BRO: పవర్ స్టార్ పవన్ కళ్యాణ్ క్రేజ్ గురించి ప్రత్యేకంగా చెప్పనవసరం లేదు. కొన్ని దశాబ్దాలు పాటు యువతను ప్రభావితం చేస్తున్న హీరోగా టాలీవుడ్ ఇండస్ట్రీలో సత్తా చాటుతున్నాడు. ఒకపక్క రాజకీయ మరోపక్క సినిమా రంగంలో విజయవంతంగా రాణిస్తున్నారు. తెలుగు చలనచిత్ర రంగంలో ప్రస్తుతం పవన్ కళ్యాణ్ చేస్తున్నన్ని సినిమాలు మరే హీరో చేయటం లేదు. పవన్ కళ్యాణ్ కెరియర్ లో ఇప్పటిదాకా చేయని రీతిలో ప్రస్తుతం చాలా సినిమాలను సెట్స్ ఫైకి తీసుకెళ్లడం జరిగింది.
ఏకంగా నాలుగు సినిమా షూటింగ్స్ జరుగుతున్నాయి. వీటి వివరాలు చూస్తే హరిహర వీరమల్లు, ఉస్తాద్ భగత్ సింగ్, OG, బ్రో. వీటిలో “హరిహర వీరమల్లు”, “బ్రో” సినిమాలు కంప్లీట్ కావడం జరిగింది. ఇక ఈ రెండిటిలో మొదటిగా “బ్రో” సినిమా జులై నెలలో విడుదల కానుంది. ఫస్ట్ టైం మెగా కాంపౌండ్ హీరో సాయి ధరంతేజ్ తో కలసి పవన్ నటించిన ఈ మల్టీస్టారర్ సినిమా సంచలనంగా మారింది. తమిళంలో సూపర్ డూపర్ హిట్ అయిన “వినోదయసీతం” సినిమాకి రీమిక్ గా తెలుగులో “బ్రో” అనే టైటిల్ తో వస్తున్న ఈ సినిమా మోషన్ పోస్టర్ నిన్న రిలీజ్ అయింది. ఈ క్రమంలో పవన్ కళ్యాణ్ కొత్త సినిమా “బ్రో” పోస్టర్ అనేక రికార్డులు క్రియేట్ చేయడం జరిగింది.
విషయంలోకి వెళ్తే వీడియో తో కూడిన “బ్రో” మోషన్ పోస్టర్ కేవలం 21 గంటల్లో ఐదు మిలియన్ ల వ్యూస్ సాధించి అత్యంత వేగంగా 5M వ్యూస్ వచ్చిన వీడియోగా రికార్డు క్రియేట్ చేయడం జరిగింది. ఈ విషయాన్ని సినిమా యూనిట్ ప్రకటించింది. గతంలో ప్రభాస్ నటించిన “రాధేశ్యం” మోషన్ పోస్టర్ కి 4.73 మిలియన్ వ్యూస్ రావటం జరిగాయి. ఆ రికార్డును పవన్ కళ్యాణ్ “బ్రో” మోషన్ పోస్టర్ బ్రేక్ చేయడం జరిగింది. ఈ సినిమాకి సంబంధించి పవన్ టాకీ పార్ట్ షూటింగ్ మొత్తం కేవలం 30 రోజుల్లోనే కంప్లీట్ చేసేసారు. సగం సినిమాలోనే పవన్ కనిపించనున్నట్లు సమాచారం.