Pawan Kalyan: పవర్ స్టార్ పవన్ కళ్యాణ్ మంచి స్పీడ్ మీద ఉన్నారు. ఇండస్ట్రీలో ఏ హీరో చేయని రీతిలో వరుస పెట్టి సినిమాలు చేస్తున్నారు. ఒకపక్క సినిమాలు చేస్తూనే మరొక రాజకీయాలు చేస్తున్నారు. ఆంధ్రప్రదేశ్ రాష్ట్రంలో వచ్చే ఏడాది సార్వత్రిక ఎన్నికలు జరగనున్న సంగతి తెలిసిందే. ఈ క్రమంలో ఇప్పటికే వారాహి వాహనం ద్వారా రాష్ట్రవ్యాప్తంగా యాత్ర చేయాల్సిన పవన్ కొన్ని కారణాలవల్ల వాయిదా వేసుకోవటం జరిగింది. కానీ అడపాదడబా ఆంధ్రప్రదేశ్ రాష్ట్రంలో పార్టీ సమావేశాలు నిర్వహిస్తూ.. వచ్చే ఎన్నికలకు అన్ని రకాలుగా సిద్ధమవుతున్నారు. ఇదిలా ఉంటే ప్రస్తుతం హరిష్ శంకర్ దర్శకత్వంలో “ఉస్తాద్ భగత్ సింగ్”… ఆ తర్వాత సుజిత్ దర్శకత్వంలో “OG” సినిమా చేస్తున్న సంగతి తెలిసిందే.
ఈ రెండు సినిమాలలో ఉస్తాద్ భగత్ సింగ్”… క్రేజీ ప్రాజెక్టు గా తేరకెక్కుతోంది. ఎందుకంటే గతంలో హరీష్ దర్శకత్వంలో వచ్చిన “గబ్బర్ సింగ్” సూపర్ డూపర్ హిట్ కావడమే. పైగా హరీష్ పవన్ కళ్యాణ్ అభిమాని. “గబ్బర్ సింగ్” చేస్తున్న సమయంలో పవన్ కళ్యాణ్ వరుసపరాజయాలు ఎదుర్కొంటున్నారు. దాదాపు పది సంవత్సరాలు సరైన హిట్టు పడలేదు. “ఖుషి” తర్వాత ఆ స్థాయి హిట్ “గబ్బర్ సింగ్” రూపంలో పడింది. ఈ సినిమాతో టాలీవుడ్ బాక్సాఫీస్ వద్ద పవన్ కళ్యాణ్ అనేక రికార్డులు క్రియేట్ చేయడం జరిగింది. దీంతో హరీష్ పై పవన్ ఫ్యాన్స్ కి ప్రత్యేకమైన అభిమానం ఏర్పడింది.
వాస్తవానికి ఈ సినిమా ప్రకటన చేయకముందు… “భగత్ సింగ్ బావదీయుడు” అనే సినిమా ప్రకటన 2021లో చేశారు. కానీ ఆ ప్రాజెక్ట్ పక్కనపెట్టి “ఉస్తాద్ భగత్ సింగ్” తెర పైకి తీసుకురావడం జరిగింది. ఈ సినిమాలో పవన్ పోలీస్ ఆఫీసర్ గా నటిస్తూ ఉండటంతో అంచనాలు ఓ రేంజ్ లో ఉన్నాయి. అయితే ఇటీవలే ఈ సినిమా షూటింగ్ స్టార్ట్ అయింది. అయితే ఇంతలోనే మొదటి షెడ్యూల్ కంప్లీట్ అయినట్లు సినిమా యూనిట్ అధికారికంగా ప్రకటించింది. స్టంట్ డైరెక్టర్స్ రామ్ లక్ష్మణ్ పర్యవేక్షణలో ఎనిమిది రోజులపాటు పవన్ పై భారీ యాక్షన్ సీక్వెన్స్ చిత్రీకరించినట్లు తెలిపారు. ఇదే సమయంలో యంగ్ హీరోయిన్ శ్రీలీలతో రొమాంటిక్ సీన్స్… పిల్లలతో కామెడీ సన్నివేశాలను తేరాకెక్కించినట్లు స్పష్టం చేశారు. ఈ సినిమాకి దేవిశ్రీప్రసాద్ సంగీతం అందిస్తున్నారు.