Pawan Kalyan: తెలుగు సినిమా రంగంలో మాత్రమే కాదు భారతీయ చలనచిత్ర రంగంలో RRR, బాహుబలి సినిమాలు అనేక రికార్డులు క్రియేట్ చేశాయి. దర్శకుడు జక్కన్న తెరకెక్కించిన విధానం ప్రపంచ సినిమా రంగాన్ని ఆశ్చర్యపరిచేటట్లు ఈ రెండు సినిమాలు ఎంతో పేరును తీసుకొచ్చాయి. సినిమా విడుదల అవ్వకముందే ఈ రెండు సినిమాలు భారీ ఎత్తున బిజినెస్ చేయడం జరిగింది. కాగా ఇప్పుడు ఇదే తరహాలో RRR, బాహుబలి రేంజ్ లో పవన్ కొత్త సినిమా “హరిహర వీరమల్లు” ప్రీ రిలీజ్ బిజినెస్ జరుపుకుంటున్నట్లు ఇండస్ట్రీలో లేటెస్ట్ టాక్ నడుస్తుంది. క్రిష్ జాగర్లమూడి దర్శకత్వంలో తెరకెక్కుతున్న ఈ సినిమాలో పవన్ కళ్యాణ్ విభిన్నమైన పాత్రలో కనిపిస్తున్నారు.
పిరియాడిక్ డ్రామా తరహాలో ఈ సినిమా స్టోరీ ఉండటంతో.. పవన్ అభిమానులు కొద్దిగా టెన్షన్ పడుతున్నారు. ఎందుకంటే గతంలో ఎప్పుడూ కూడా పవన్ ఈ తరహా సినిమాలు చేయలేదు. పైగా డైరెక్టర్ క్రిష్ కి చెప్పుకోదగ్గ విజయాలు ఇటీవల పడకపోవడంతో.. “హరిహర వీరమల్లు” ఫలితం ఎలా ఉంటుందో అని ఫ్యాన్స్ తెగ టెన్షన్ పడుతున్నారు. అప్పట్లో ఈ సినిమా ఆగిపోతే బాగుండు అని కూడా అభిమానులు సోషల్ మీడియాలో డిస్కషన్ చేసుకున్నట్లు వార్తలు వచ్చాయి.
ఇదంతా పక్కన పెడితే ఇటీవల పవన్ పుట్టినరోజు సందర్భంగా “హరిహర వీరమల్లు” ఫస్ట్ గ్లింప్స్ వీడియో రిలీజ్ అయ్యాక మొత్తం అంచనాలు ఇంకా లెక్కలన్నీ దారి మారయ్యాయి. భారీ ఎత్తున రెస్పాన్స్ రావడంతో ఇప్పుడు హరిహర వీరమల్లు ఫ్రీ రిలీజ్ బిజినెస్ RRR, బాహుబలి.. సినిమాల తరహాలో జరుగుతున్నట్లు సమాచారం. ఏకంగా ఈ సినిమా థియట్రీకల్ రైట్స్ కోసం.. అన్ని ప్రాంతాల బయ్యర్ల నుండి ₹300 కోట్ల రూపాయల వరకు రేటు పలుకుతున్నట్లు ఇండస్ట్రీలో లేటెస్ట్ టాక్ వినిపిస్తోంది. వచ్చే ఏడాది వేసవికాలంలో ఈ సినిమా విడుదల కానుంది. ఈ సినిమాకి సంబంధించి 50 శాతం షూటింగ్ ఆల్రెడీ కంప్లీట్ అయిపోయింది.
