వరస ఫ్లాపుల్లో ఉన్న టాలీవుడ్ హీరోలు చాలా వరకు పోలీసు పాత్రలు చేస్తూ అదిరిపోయే విజయాలు సాధిస్తున్నారు. గతంలో 10 సంవత్సరాలపాటు ఎలాంటి హిట్ లేని పవన్ కళ్యాణ్ 2012వ సంవత్సరంలో హరీష్ శంకర్ దర్శకత్వంలో పోలీస్ పాత్రలో నటించి “గబ్బర్ సింగ్” అనే సినిమాతో బ్లాక్ బస్టర్ హిట్ ను అందుకున్నాడు. ఈ సినిమా విజయంతో పవన్ కళ్యాణ్ అభిమానులు ఎంతగానో సంతోషించారు. “ఖుషి” తర్వాత ఆ స్థాయిలో ఈ సినిమా కలెక్షన్లు ఉన్నాయని గొప్పగా చెప్పుకున్నారు.
అదే విధంగా మహేష్ బాబు “పోకిరి” తో తర్వాత “దూకుడు” తో పోలీస్ పాత్రలు చేసి ఇండస్ట్రీకి మర్చిపోలేని విజయాలు అందించాడు. ఇక ఇదే కోవలో యంగ్ టైగర్ ఎన్టీఆర్ కూడా “టెంపర్” సినిమా తో సూపర్ హిట్ అందుకున్న సంగతి తెలిసిందే. ఈ సినిమా రాకముందు వరకు వరుస ఫ్లాపుల్లో ఉన్నాడు. కానీ ఎన్టీఆర్ టెంపర్ సినిమా లో పోలీస్ పాత్ర కొత్త తరహాలో యాక్టింగ్ చేసి మళ్లీ హిట్ ట్రాక్ ఎక్కి ప్రస్తుతం వరుస హిట్లు కొడుతున్నాడు.
ఇదిలా ఉంటే గత కొంత కాలం నుండి వరుస ఫ్లాపుల్లో ఉన్న మాస్ మహారాజా రవితేజ కూడా తాజాగా పోలీస్ పాత్రలో క్రాక్ సినిమాతో సంక్రాంతి బరిలోకి దిగి ఊహించని విజయం సాధించాడు. క్రాక్ సినిమా సూపర్ డూపర్ హిట్ కావడంతో మళ్లీ హిట్ ట్రాక్ ఎక్కాడు. మొత్తంమీద చూసుకుంటే ఫ్లాపుల్లో ఉన్న హీరోలను టాలీవుడ్ ఇండస్ట్రీలో పోలీస్ క్యారెక్టర్ ఆదుకుంటున్న ట్లు సినీ విశ్లేషకులు వ్యాఖ్యానిస్తున్నారు.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!