pooja hegde: ఐకాన్ స్టార్ అల్లు అర్జున్, పూజా హెగ్డే జంటగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో వచ్చిన బ్లాక్ బస్టర్ చిత్రం `అల వైకుంఠపురములో`. గీత ఆర్ట్స్, హారిక & హాసిని క్రియేషన్స్ బ్యానర్పై అల్లు అరవింద్, యస్ రాధా కృష్ణలు సంయుక్తంగా నిర్మించిన ఈ చిత్రానికి ఎస్.ఎస్. తమన్ సంగీతం అందించారు.
టబు, జయరాం, సుశాంత్, నవదీప్, నివేదా పేతురాజ్, సముద్రఖని, మురళి శర్మ కీలక పాత్రలు పోషించారు. భారీ అంచనాల నడుము సరిగ్గా రెండేళ్ల క్రితం ఇదే రోజున గ్రాండ్గా విడుదలైన బ్లాక్ బస్టర్ హిట్గా నిలిచింది. మ్యూజికల్గా కూడా మంచి విజయం సాధించిన ఈ చిత్రం పూజా హెగ్డే కెరీర్ను పీక్స్కు తీసుకెళ్లింది.
ఇకపోతే అల వైకుంఠపురములో విడుదలై రెండు సంవత్సరాలు అయిన సందర్భంగా పూజా హెగ్డే.. ఇన్స్టాగ్రామ్ ద్వారా `నేను అల్లు అర్జున్ కలిసి చేసిన డ్యాన్స్ని చూశారు కదా?.. ఇక ఇప్పుడు ఇది చూడండి` అంటూ ఓ వీడియోను షేర్ చేసింది. ఇందులో షాట్ కోసం వెయిట్ చేసే ఖాళీ సమయంలో పూజా హెగ్డే అల్లు అర్జున్ కూతురు అల్లు అర్హతో `రాములో రాములా..` సాంగ్కు తమదైన శైలిలో స్టెప్పులు వేశారు. ఆకట్టుకుంటున్న ఈ వీడియోలో పూజా, అర్హల రచ్చ మామూలుగా లేదనే చెప్పాలి. దీంతో వీరి వీడియో ప్రస్తుతం నెట్టింట వైరల్గా మారింది.
https://www.instagram.com/reel/CYoQ1-ngVAc/?utm_source=ig_web_copy_link