Prabhas: పాన్ ఇండియన్ స్టార్ ప్రభాస్ ఇటీవల రాధే శ్యామ్ సినిమాతో వచ్చి భారీ ఫ్లాప్ను అందుకున్న సంగతి తెలిసిందే. దీనికి ముందు వచ్చిన సాహో కూడా ఫ్లాప్. ఇలా రెండు పాన్ ఇండియన్ సినిమాలు ఫ్లాపవడంతో ప్రభాస్ క్రేజ్ అమాంతం తగ్గిపోతుందని అందరూ భావించారు. కానీ, అది ఇప్పట్లో జరగని పని అని ప్రభాస్ కమిటవుతున్న సినిమాలను చూస్తేనే అర్థమవుతోంది. అయితే, ఇక పై మాత్రం ప్రభాస్ తను చేస్తున్న సినిమాల పట్ల ప్రత్యేక శ్రద్ద వహిస్తున్నాడు.
ప్రస్తుతం చేస్తున్న వాటిలో ప్రశాంత్ నీల్ దర్శకత్వంలో తెరకెక్కుతున్న భారీ యాక్షన్ ఎంటర్టైనర్ సలార్ పాన్ ఇండియా స్థాయిలో రిలీజ్ కాబోతోంది. అలాగే, సందీప్ రెడ్డి వంగా దర్శకత్వంలో చేసే సినిమా, ఇప్పుడు ప్రభాస్ – మారుతి కాంబోలో తెరకెక్కే సినిమా పాన్ ఇండియన్ రేంజ్లోనే తెరకెక్కనున్నాయి. ఇక ఇప్పటికే షూటింగ్ పూర్తైన ఆదిపురుష్, ప్రస్తుతం షూటింగ్ జరుగుతున్న ప్రాజెక్ట్ కె సినిమాలు మాత్రం పాన్ వరల్డ్ స్థాయిలో హాలీవుడ్లోను రిలీజ్ కాబోతున్నాయి. అయితే, తాజాగా ఆదిపురుష్ సినిమా కు సంబంధించిన ఓ లేటెస్ట్ న్యూస్ వచ్చి చక్కర్లు కొడుతోంది.
Prabhas: ఆదిపురుష్ ప్రభాస్ కెరీర్లోనే ఓ మైల్ స్టోన్..
ఈ సినిమాలో రాముడి పాత్రను చాలా గొప్పగా చూపించబోతున్నారు. సినిమా చూస్తున్న ప్రేక్షకుల ఊహకు ఎంతమాత్రం అందని విధంగా సన్నివేశాలను గొప్ప అనుభూతితో చూపించబోతున్నారట. ముఖ్యంగా అదిపురుష్ సినిమాలో రాముడి పరాక్రమ శైలిని హైలైట్ చేస్తున్నారని తాజాగా దర్శకుడు ఓం రౌత్ స్వయంగా చెప్పు కొచ్చాడు. అంతేకాదు..ఈ సినిమాలో ఉండే విజువల్స్ ఇప్పటి వరకు ఏ సినిమాలోనూ చూసి ఉండరని నమ్మకంగా చెబుతున్నారు. మరి దర్శకుడు చెప్పిన దాన్ని బట్టి చూస్తే ఆదిపురుష్ ప్రభాస్ కెరీర్లోనే ఓ మైల్ స్టోన్ మూవీగా నిలుస్తుందని అర్థమవుతోంది.