పాన్ ఇండియా సూపర్ స్టార్ ప్రభాస్ ప్రస్తుతం విశ్రాంతి తీసుకుంటున్న సంగతి తెలిసిందే. “బాహుబలి” సినిమా షూటింగ్ చేస్తున్న టైంలో ప్రభాస్ మోకాలికి గాయం కావడం ఆ తర్వాత విదేశాలలో చికిత్స చేయించుకోవడం జరిగింది. అయితే మళ్లీ ఆ గాయం తిరగబడటంతో.. ఇటీవల ప్రభాస్ మళ్లీ విదేశాలకు వెళ్లి చూపించుకున్నారు. ఈ క్రమంలో డాక్టర్స్ పది రోజులపాటు ప్రభాస్ విశ్రాంతి తీసుకోవాలని కోరారు. పరిస్థితి ఇలా ఉంటే తాజాగా ప్రభాస్ బుధవారం సాయంత్రం జరగబోయే “సీతా రామమ్” ప్రీ రిలీజ్ వేడుకకి ముఖ్యఅతిథిగా హాజరుకానున్నారు. స్వప్న సినిమాస్ బ్యానర్పై తెరకెక్కిన ఈ సినిమాలో దుల్కర్ సల్మాన్ హీరోగా, మృణల్ టకుర్ హీరోయిన్ గా నటించడం జరిగింది.
హీరోయిన్ రష్మిక మందన కూడా కాశ్మీర్ ముస్లిం అమ్మాయిగా కీలక పాత్ర చేసింది. ఈ సినిమాకి సంబంధించి ప్రీ రిలీజ్ ఈవెంట్ వేడుక పోస్టర్ రిలీజ్ చేసి… సస్పెన్స్ క్రియేట్ చేస్తు… “ఏ బిగ్ సర్ప్రైజ్” అని క్యాప్షన్ పెట్టారు. ఆ తర్వాత కొన్ని గంటలకు ప్రభాస్ …”సీతా రామమ్” ప్రీ రిలీజ్ వేడుకకి వస్తున్నట్లు వీడియో విడుదల చేయడం జరిగింది. డియర్ రామ్ నీకోసం నేను వస్తున్నాను అంటూ.. తనదైన శైలిలో ప్రభాస్ ఫోటోతో… వీడియో విడుదల చేయడం జరిగింది.
చాలా సంవత్సరాల తర్వాత ప్రభాస్ ఒక సినిమా ఫంక్షన్ కి బహిరంగ వేడుకకి వస్తూ ఉండటంతో…”సీతా రామమ్” ప్రీ రిలీజ్ వేడుకకి ప్రభాస్ అభిమానులు భారీ ఎత్తున వెళ్ళటానికి రెడీ అవుతున్నారు. హను రాఘవపూడి దర్శకత్వం వహించిన ఈ సినిమా ఆగస్టు 5వ తారీఖు విడుదల కానుంది. ఇప్పటికే ఈ సినిమాకి సంబంధించి కొన్ని పాటలు విడుదల కావడం జరిగాయి. రొమాంటిక్ డ్రామా ఎంటర్ టైనర్ గా తెరకెక్కిన ఈ సినిమాలో దుల్కర్ లెఫ్ట్ నెంట్ రామ్ పాత్రలో నటించారు. వైజయంతి మూవీస్ బ్యానర్ అధినేత అశ్విని దత్ కుమార్తె స్వప్న దత్ ఈ సినిమాకి నిర్మాత.