Prabhas: దీపికా పదుకొణె.. ఆపేరు వింటే కుర్రాళ్ళ గుండెల్లో గులాబీలు విరబూస్తాయి. పేరుకే బాలీవుడ్ హీరోయన్ గాని తెలుగునాట కూడా ఆమె క్రేజ్ తక్కువేంకాదు. 2006లో ఐశ్వర్య అనే కన్నడ చిత్రంతో ఆమె సినీ రంగంలోకి అడుగు పెట్టింది. తర్వాత బాలీవుడ్ బాద్షా షారుఖ్ ఖాన్ నటించిన ‘ఓం శాంతి ఓం’ సినిమాతో బాలీవుడ్లో అడుగుపెట్టి ‘బెస్ట్ ఫీమేల్ డెబ్యూ’ అవార్డు అందుకుంది. తరువాత దీపిక వెనక్కి తిరిగి చూసుకోవలసిన అవసరం లేకుండా పోయింది. ఇక ఈమె తండ్రి ప్రకాశ్ పదుకొణె మాజీ బ్యాడ్మింటన్ అన్న సంగతి తెలిసినదే కదా.
Prabhas: దీపిక తాజా సినిమాల లిస్టు ఇదే..
ఇకపోతే ఈమె హాలీవుడ్లో కూడా అడుగు పెట్టి అందరికీ చెమటలు పట్టించింది. 2017లో ‘ట్రిపుల్ ఎక్స్: రిటర్న్ ఆఫ్ గ్జాండర్ కేజ్’ సినిమాతో దీపిక అక్కడ కూడా దుమ్ము దులిపింది. ప్రస్తుతం అమ్మడు అనేక సినిమాలకు సైన్ చేసి మంచి బిజీగా వుంది. అందులో అది పురుష్ ఒకటన్న విషయం వేరే చెప్పనక్కర్లేదు. ఆ సినిమాకోసం దీపిక వేయి కళ్ళతో ఎదురు చూస్తోందట. మన టాలీవుడ్ టాల్ బాయ్ ప్రభాస్ తో నటించడానికి ఆమె ఎదురు చూస్తోందని బి టౌన్ లో అంతా అనుకుంటున్నారు.
తాజాగా ఆమె పుట్టిన రోజు వేడుకలు ఇలా జరిగాయి..
1986 జనవరి 5న డెన్మార్క్లో జన్మించిన దీపికా 36వ పుట్టిన రోజు సందర్భంగా పలువురు తారలు ఆమెకు బర్త్డే విషెస్ చెప్పారు. ఇక మన పాన్ ఇండియా స్టార్ ప్రభాస్ కూడా తన హీరోయిన్ కు పుట్టిన రోజు శుభాకాంక్షలు తెలిపాడు. ‘ప్రకాశవంతమైన నవ్వుతో ఉండే అమ్మాయి పుట్టిన రోజు శుభాకాంక్షలు. ఎనర్జీ, టాలెంట్తో ‘ప్రాజెక్ట్ కే’ సెట్లో వెలుగులు నింపే నీకు ఎప్పుడూ ఆల్ ది బెస్ట్’ అంటూ ఇన్ స్టా స్టోరీ షేర్ చేశాడు మన మిస్టర్ పర్ఫెక్ట్.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?