Prabhas: నేషనల్ స్టార్ ప్రభాస్ ఇటీవలె `రాధేశ్యామ్` మూవీతో ప్రేక్షకుల ముందుకు వచ్చాడు. భారీ అంచనాల నడుమ పాన్ ఇండియా లెవల్లో విడుదలైన ఈ సినిమా ప్రేక్షకులను ఆకట్టుకోవడంలో విఫలం అయింది. అయినప్పటికీ బాక్సాఫీస్ వద్ద మంచి కలెక్షన్లను రాబడుతోంది. ఇకపోతే ప్రముఖ దర్శకుడు మారుతితో ప్రభాస్ ఓ సినిమా చేయబోతున్నాడని గత కొద్ది రోజుల నుంచీ ప్రచారం జరుగుతున్న సంగతి తెలిసిందే.
ఈ ప్రాజెక్ట్ దాదాపు ఖాయం అంటున్నారు. మంచి ముహూర్తం చూసి అఫీషియల్ అనౌన్స్ మెంట్ కూడా చేయబోతున్నారట. డీవీవీ దానయ్య భారీ బడ్జెట్తో పాన్ ఇండియా లెవల్లో నిర్మించబోతోన్న ఈ చిత్రంలో ముగ్గురు హీరోయిన్లుగా ఉండబోతున్నారు. అలాగే ఈ సినిమాకు `రాజా డీలక్స్` అనే టైటిల్ కూడా పరిశీలనలో ఉన్నాయి.
పక్కా మాస్ మసాలా ఎంటర్టైనర్గా ఈ సినిమాను రూపొందించబోతున్నారట. అయితే తాజాగా ఈ మూవీలో సంబంధించి మరో క్రేజీ టాక్ బయటకు వచ్చింది. అదేంటంటే.. ఈ సినిమాలో ప్రభాస్ ఇల్లు సెట్ వేస్తున్నారట. అది ఓ ఇంద్ర భవనంలా ఉండబోతోందని.. అక్కడే చాలా వరకు షూటింగ్ జరుగుతుందని అంటున్నారు.
మరో ఆసక్తికర విషయం ఏంటంటే.. ఆ ఇంటి సెట్ కోసం మేకర్స్ ఏకంగా రూ. 5 కోట్లు వెచ్చిస్తున్నారని జోరుగా ప్రచారం జరుగుతోంది. ఏదేమైనా ప్రభాస్ ఇంటి కోసమే ఐదు కోట్ల రూపాయిలు బడ్జెట్ పెట్టడం ఇప్పుడు ఆసక్తికరంగా మారింది. కాగా, ప్రభాస్ ఇతర సినిమాల విషయానికి వస్తే.. ప్రశాంత్ నీల్ డైరెక్షన్లో `సలార్`, ఓం రౌత్తో `ఆదిపురుష్`, నాగ్ అశ్విన్ దర్శకత్వంలో `ప్రాజెక్ట్ కె` చిత్రాలు చేస్తున్నారు. వీటితో పాటు సందీప్ రెడ్డి వంగాతో `స్పిరిట్` అనే మూవీ చేయనున్నట్లు కూడా ప్రకటించాడు.