NTR 31: ఇండియన్ ఫిలిం ఇండస్ట్రీలో ప్రస్తుతం టాప్ దర్శకుల లిస్టులో మొదట రాజమౌళి పేరు వినబడితే తర్వాత ప్రశాంత్ నీల్ పేరు గట్టిగా వినిపిస్తోంది. “కేజిఎఫ్” రెండు భాగాలతో ప్రశాంత్ నీల్ మంచి పాపులారిటీ సంపాదించారు. ఈ ఏడాది వచ్చిన “KGF 2” ఏకంగా ₹1000 కోట్లకు పైగా కలెక్షన్స్ సాధించడం సంచలనం రేపింది. ముఖ్యంగా “KGF 2” బాలీవుడ్ ఇండస్ట్రీలో ₹400 కోట్లకు పైగానే కలెక్షన్ సాధించడం జరిగింది. కాగా ప్రశాంత్ నీల్ చేస్తున్న ప్రాజెక్టులలో ఎన్టీఆర్ తో కూడా ఒకటి చేయనున్న సంగతి తెలిసిందే.
మైత్రి మూవీ మేకర్స్ వారు నిర్మిస్తున్న ఈ సినిమా ఫస్ట్ లుక్ పోస్టర్ ఈ ఏడాది మే నెలలో ఎన్టీఆర్ పుట్టినరోజు నాడు విడుదల చేయడం జరిగింది. ఫస్ట్ లుక్ పోస్టర్ లో ఎన్టీఆర్ చాలా వైల్డ్ లుక్ లో కనిపిస్తున్నారు. పైగా తారక్ కి ప్రశాంత్ నీల్ 15 సంవత్సరాల నుండి వీరాభిమాని. సో “NTR 31” వర్కింగ్ టైటిల్ పేరిట వస్తున్న ఈ సినిమాపై తారక్ అభిమానులకు భారీ అంచనాలు నెలకొన్నాయి. ఇదిలా ఉంటే ప్రశాంత్ నీల్ “NTR 31” కోసం కోలీవుడ్ టాప్ హీరో విక్రమ్ నీ రంగంలోకి దింపుతున్నట్లు వార్తలు వస్తున్నాయి.
హీరో ఎన్టీఆర్ పాత్రకి సరి సమానంగా ఉండే మరో పాత్రలో విక్రమ్ పాత్ర ఉంటుందని సమాచారం. వచ్చే ఏడాది ఆరంభంలో ఈ సినిమా షూటింగ్ ప్రారంభం కానుంది. ఈ క్రమంలో విక్రమ్ ఓకే చెప్పినట్లు త్వరలోనే అధికారిక ప్రకటన రానున్నట్లు సమాచారం. ప్రస్తుతం ప్రశాంత్ నీల్… ప్రభాస్ తో “సలార్” సినిమా చేస్తున్నారు. మరోపక్క ఎన్టీఆర్ కొరటాలతో సినిమా చేయనున్నారు. కొరటాల ప్రోజెక్ట్ అయిన వెంటనే…”NTR 31″ షూటింగ్ తారక్ మొదలుపెట్టే ఆలోచనలో ఉన్నారు.