జులై 21వ తారీకు “లైగర్” ట్రైలర్ విడుదల కార్యక్రమాలు రెండు చోట్ల జరగటం తెలిసిందే. తెలుగుకి సంబంధించి హైదరాబాద్ లో కార్యక్రమం జరగగా… “లైగర్” హిందీ ట్రైలర్ కు సంబంధించి ముంబైలో జరిగింది. అయితే హైదరాబాద్ లో విజయ్ దేవరకొండ చేసిన కామెంట్స్ కాంట్రవర్సీ కావటం తెలిసిందే. మా తాత ఎవరో తెలవదు, మా నాన్న ఎవరో తెలవదు.. అయినా కానీ మీ ప్రేమ అభిమానం నాపై చూపించడం.. అంటూ చేసిన వ్యాఖ్యలపై తీవ్ర స్థాయిలో మిగతా హీరోల అభిమానుల నుండి వ్యతిరేకత వస్తుంది.
ఇక ముంబైలో జరిగిన ఓ కార్యక్రమంలో విజయ్ దేవరకొండ వేసుకున్న చెప్పులు పెద్ద హాట్ టాపిక్ కావటం తెలిసిందే. తన సినిమా ట్రైలర్ కార్యక్రమానికి మామూలు చెప్పులు వేసుకుని.. విజయ్ దేవరకొండ రావటం పట్ల.. ఆ కార్యక్రమానికి ముఖ్యఅతిథిగా వచ్చిన రణవీర్ సింగ్ కూడా సెటైర్ లు వేయడం జరిగింది. కాస్త ఎటకారంగా కూడా కామెంట్లు చేశారు. చూస్తుంటే ఈ వేడుకలో నేనే హీరో అన్నట్టు ఉందని రణవీర్ కామెంట్లు చేయడం జరిగింది.
ఇదంతా పక్కన పెడితే “లైగర్” హిందీ ట్రైలర్ రిలీజ్ కార్యక్రమంలో విజయ్ దేవరకొండ వేసుకున్న చెప్పులు ధర కేవలం నూట తొంబై తొమ్మిది రూపాయలు మాత్రమే అట. అయితే ఆ చెప్పులపై విజయ్ దేవరకొండ స్టైలిస్ట్ హార్మాన్ కౌర్ స్పందించాడు. పాత్రకు దగ్గరగా… అండర్ డాగ్ లుక్కులో కనిపించేందుకు ఇలా చేసినట్లు తెలిపారు. ప్రతి ఈవెంట్ లో విజయ్ దేవరకొండ తన డ్రెస్సుతో… వార్తల్లోకి ఎక్కితే ఈసారి..”లైగర్” హిందీ ట్రైలర్ ఈవెంట్ లో చెప్పులు వేసుకుని వార్తల్లో నిలిచారు.
