ఎవరి జీవితంలో అయినా కొన్ని సంఘటనలు మధురంగా నిలుస్తాయి. అందులో కొన్ని భవిష్యత్తులో వారు సాధించబోయే వాటికి పునాదిరాళ్లు అవుతాయి. బాలీవుడ్ స్టార్ హీరోయిన్ ప్రియాంక చోప్రా హీరోయిన్ కాకముందు సాధించిన ఘనత తన సుదూర భవిష్యత్తుకు బంగారుబాట వేసిందిఆ ఏడాది ఫెమినా మిస్ ఇండియా 2000 రన్నరప్ గా నిలవడమే కాకుండా.. ఏకంగా అదే ఏడాది ఫెమినా మిస్ వరల్డ్-2000 కిరీటం గెలుచుకుని భారతదేశ ఖ్యాతిని ఎల్లలు దాటించింది. ఆమె సాధించిన ఘనతకు నవంబర్ 30తో 20 ఏళ్లు పూర్తయ్యాయి. ఈ సందర్భంగా ఆమె భావోద్వేగంతో ఆనాటి జ్ఞాపకాలను నెమరువేసుకుంది.
2000 నవంబర్ 30వ తేదీన లండన్ లో జరిగిన ఫైనల్స్ లో ప్రియాంక ఈ ఘనత సాధించింది. గ్లామర్ ప్రపంచంలో భారత కీర్తి మరోసారి వెలిగింది. ఐశ్వర్యా రాయ్ తర్వాత భారత్ కు మిస్ వరల్డ్ కిరీటం ప్రియాంక ద్వారా వచ్చింది. భారత్ నుంచి ఈ కిరీటం దక్కించుకున్న వారిలో అయిదవ యువతి ప్రియాంక. 18 ఏళ్ల వయసులో ఈ ఘనత సాధించింది. ప్రియాంక ఆధ్వర్యంలో ఉన్న team_pc ఈ వివరాలను, జ్ఞాపకాలను సోషల్ మీడియా అకౌంట్ ఇన్ స్టా ద్వార పంచుకున్నారు. ‘కళ్లల్లో మెరుపులతో, తన అందంతో ఈ ప్రపంచాన్నే జయించింది’ అని రాసుకున్నారు. ఈ ఘనత సాధించిన తర్వాత ఆమెకు సినీ అవకాశాలు వెల్లువెత్తాయి. తొలిగా తమిళ్ సినిమా ‘తమిజన్’ లో విజయ్ సరసన నటించి సినిమాల్లో తెరంగేట్రం చేసింది.
2003లో ‘ద హీరో’ సినిమా ద్వారా బాలీవుడ్ లో ఎంట్రీ ఇచ్చింది. తర్వాత అందాజ్, ముజ్ సే షాదీ కరోగీ, ఐత్ రాజ్ వంటి హిట్ సినిమాలతో దూసుకుపోయింది. అప్పటి నుంచి ప్రియాంక వెనుదిరిగి చూసింది లేదు. బాలీవుడ్ తోపాటు హాలీవుడ్ సినిమాల్లో కూడా నటించింది. 2015లో ఆమె నటించిన అమెరికన్ థ్రిల్లర్ సిరీస్ ‘క్వాంటికో’ ఓ సంచలనం. ఈ సిరీస్ లో నటించిన తొలి దక్షిణ ఆసియన్ గా పేరు తెచ్చుకుంది. 2017లో అమెరికన్ పాపులర్ సిరీస్ బేవాచ్ లో నటించి సంచలనం రేపింది. 2018లో అమెరికన్ సింగర్ తనకంటే చిన్నవాడైన నిక్ జోనాస్ ను పెళ్లాడింది.
https://www.instagram.com/p/CINOoJIgJly/?utm_source=ig_web_copy_link
