నందమూరి బాలకృష్ణ తన తండ్రి ఎన్టీఆర్ బయోపిక్ `యన్.టి.ఆర్`ని `కథానాయకుడు`, `మహానాయకుడు` అనే రెండు భాగాలుగా తెరకెక్కించాడు. ఈ సినిమా ప్లాప్ అయ్యింది. `యన్.టి.ఆర్` బయోపిక్ నిర్మాతగా బాలకృష్ణకు తొలి అడుగు చేదు అనుభవాన్నే మిగిల్చింది. ఈ బయోపిక్ విడుదల కాకముందే బాలయ్య తన 104వ చిత్రాన్ని తన బ్యానర్ ఎన్.బి.కె.ఫిలింస్లోనే బోయపాటి శ్రీనుతో చేయబోతున్నట్లు ప్రకటించాడు. అయితే `యన్.టి.ఆర్` బయోపిక్ తర్వాత బాలయ్య నిర్మాణం గురించి ఆలోచననే పక్కన పెట్టేశాడట. తన కొత్త సినిమా నిర్మాణాన్ని సి.కల్యాణ్కు అప్పగించాడట బాలయ్య. ప్రస్తుతం ప్రీ ప్రొడక్షన్ దశలోనే ఉన్న ఈ సినిమాను ఎన్నికల తర్వాతే సెట్స్లోకి తీసుకెళ్లాలని బాలయ్య భావిస్తున్నాడు. `సింహా`, `లెజెండ్` చిత్రాల తర్వాత బాలకృష్ణ, బోయపాటి శ్రీను కాంబినేషన్లో వస్తున్న సినిమా కావడంతో సినిమాపై భారీ అంచనాలు నెలకొన్నాయి.
previous post
next post