Puri jagannath: డేరింగ్ అండ్ డాషింగ్ డైరెక్టర్ పూరి జగన్నాథ్లో చాలా స్పెషాలిటీస్ ఉన్నాయి. ముందుగా చెప్పాల్సింది ఆయన సినిమాను అందరికంటే త్వరగా కంప్లీట్ చేస్తారు. హీరో ఎవరైనా తన మార్క్ మాసిజం చూపించాల్సిందే. ఎంత క్లాస్ హీరో అయినా పూరి చేతిలో పడితే పక్కా మాస్ హీరోగా మారిపోవాల్సిందే. ఇక మరీ ముఖ్యంగా సినిమా బడ్జెట్ కంట్రోల్ తప్పింది చాలా తక్కువ సందర్భాలలోనే. అనుకున్న బడ్జెట్తోనే పూరి సినిమాను కంప్లీట్ చేసి వదులుతారు. బయట నిర్మాతలతో సినిమా తీస్తే మరింత జాగ్రత్తగా పూరి సినిమా చేయడం గొప్ప విషయం. ఇండస్ట్రీలో జీరోకు వెళ్ళి మళ్ళీ స్టార్ మైల్ స్టోన్ అందుకున్న దర్శకుడు పూరి.
ప్రస్తుతం రౌడీ హీరో విజయ్ దేవరకొండతో పూరి జగన్నాథ్ లైగర్ అనే సినిమాను రూపొందిస్తున్నారు. సాలా క్రాస్ బ్రీడ్ అనేది క్యాప్షన్. బాక్సింగ్ బ్యాక్డ్రాప్లో రూపొందుస్తున్న ఈ సినిమాను ఆగస్టు 25వ తేదీన రిలీజ్ చేయబోతున్నారు. షూటింగ్ పూర్తైన ఈ సినిమా ప్రస్తుతం శరవేగంగా పోస్ట్ ప్రొడక్షన్స్ వర్క్ను జరుపుకుంటోంది. ఈ సినిమా బడ్జెట్ రూ 120 కోట్లని సమాచారం. ఇప్పటి వరకు పూరి తెరకెక్కించిన సినిమాలలో ఇదే హైయ్యెస్ట్ బడ్జెట్. పాన్ ఇండియన్ సినిమాగా లైగర్ నిర్మిస్తున్నారు కాబట్టే ఈ రేంజ్లో బడ్జెట్ కేటాయించారు.
Puri jagannath: ఈ సినిమాలో నటించే హీరోయిన్ను త్వరలో ప్రకటించనున్నారు.
ఇక ఈ సినిమాను తెలుగుతో పాటు హిందీ, మలయాళం, కన్నడ, తమిళంలోనూ ఒకేసారి రిలీజ్ చేయనున్నారు. బాలీవుడ్ యంగ్ బ్యూటీ అనన్య పాండే ఈ సినిమాతో సౌత్ సినిమా ఇండస్ట్రీలకు పరిచయం అవుతోంది. పూరి కనెక్ట్స్, ధర్మ ప్రొడక్షన్స్ కలిసి భారీ బడ్జెట్తో నిర్మిస్తున్నారు. అయితే, పూరి డ్రీమ్ ప్రాజెక్ట్ జనగణమన కూడా విజయ్ దేవరకొండతోనే తెరకెక్కించనున్నారు. భారీ షెడ్యూల్ను ఆస్ట్రేలియాలో మొదలు పెట్టబోతున్నారని వార్తలు వస్తున్నాయి. అంతేకాదు, పాన్ ఇండియన్ స్థాయిలో ఈ సినిమాను రూపొందించబోతుండగా దాదాపు లైగర్ బడ్జెట్ కంటే రెండింతలు కేటాయించబోతున్నారట. ఇక ఈ సినిమాలో నటించే హీరోయిన్ను త్వరలో ప్రకటించనున్నారు.