డాషింగ్ డైరెక్టర్ పూరి జగన్నాథ్ దర్శకత్వంలో “లైగర్” అనే పాన్ ఇండియా సినిమా తెరకెక్కటం తెలిసిందే. విజయ్ దేవరకొండ హీరోగా తెరకెక్కిన ఈ సినిమా ఆగస్టు 25వ తారీకు విడుదల కానుంది. అయితే ఈరోజు ఉదయం హైదరాబాద్ సుదర్శన్ థియేటర్ లో “లైగర్” తెలుగు ట్రైలర్ రిలీజ్ కార్యక్రమం అభిమానుల మధ్య అంగరంగ వైభవంగా జరిగింది. ఈ కార్యక్రమానికి డైరెక్టర్ పూరీతోపాటు నిర్మాతలు కరన్ జోహార్, చార్మి హీరో విజయ్ దేవరకొండ హీరోయిన్ అనన్య పాండే రావడం జరిగింది.
ఈ సందర్భంగా డైరెక్టర్ పూరీ జగన్నాథ్ ఈ కార్యక్రమంలో హీరో విజయ్ దేవరకొండ పై సంచలన వ్యాఖ్యలు చేశారు. పూరి మాట్లాడుతూ … కచ్చితంగా మీకు ట్రైలర్ నచ్చిందని అనుకుంటున్నాను. నేను ఇప్పుడు “లైగర్” గురించి మాట్లాడదలచుకోలేదు. హీరో విజయ్ దేవరకొండ గురించి మాట్లాడాలని అనుకుంటున్నాను. అతడు భారతీయ చలనచిత్ర రంగానికి భవిష్యత్తు లాంటివాడు. ఇండియన్ ఫిలిం ఇండస్ట్రీలో విజయ్ దేవరకొండ అనే వ్యక్తి బిగ్ తింగ్ … మీరు ఇప్పుడు ఎటువంటి ఉత్సాహం చూపిస్తున్నారో సినిమా అదే రీతిలో ఉంటుంది.
“లైగర్” కచ్చితంగా అందరికీ నచ్చుతుంది.. అంటూ తనదైన శైలిలో స్పీచ్ ఇచ్చారు. ఇక ఈరోజు సాయంత్రం ముంబై నగరంలో “లైగర్” హిందీ ట్రైలర్ రిలీజ్ చేయనున్నారు. విడుదలైన తెలుగు “లైగర్” ట్రైలర్ లో .. విజయ్ దేవరకొండ నత్తివాడిగా సినిమాలో పాత్ర చేయడం జరిగింది. బాక్సర్ గా నటిస్తున్నట్లు అంతకు ముందు విడుదలైన వీడియోలలో చూపించడం తెలిసిందే. ఇదే తరహాలో సినిమాలో తాజాగా విడుదలైన ట్రైలర్ బట్టి విజయ్ దేవరకొండ నత్తివాడిగా నటిస్తున్నట్లు తెలుస్తోంది.