Pushpa – KGF 1: పాన్ ఇండియన్ సినిమాగా వచ్చిన పుష్ప ఇప్పటికే వసూళ్ళ పరంగా కొత్త రికార్డ్స్ క్రియేట్ చేస్తోంది. సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా వచ్చిన ఈ హ్యాట్రిక్ సినిమా సుకుమార్‌కు, అల్లు అర్జున్‌కు హ్యాట్రిక్ హిట్ మాత్రమే కాదు పాన్ ఇండియన్ సినిమాగా కూడా ఫస్ట్ భారీ హిట్ దక్కింది. నిర్మాణ సంస్థ మైత్రీ వారికి ఈ సినిమా మొదటి పాన్ ఇండియన్ సినిమా కావడం విశేషం. వారికి ఈ సినిమా భారీ హిట్‌గా నిలిచింది. ఇక విడుదలైన అన్నీ భాషలలో పుష్ప:ది రైజ్ పార్ట్ 1 వసూళ్ళ పరంగా సునామీని సృష్ఠించింది. ఇప్పటికే 280 కోట్ల వరకు వసూళ్ళు రాబట్టింది.
సంక్రాంతి వరకు గనక ఈ సినిమాకు ఎలాంటి పోటీ లేకపోతే 370 కోట్లకు పైగానే మా సినిమాకు వసూళ్ళు వస్తాయని నిర్మాత ఇటీవల స్వయంగా వెల్లడించాడు. కాగా, ఇప్పుడు పుష్ప సినిమా బాలీవుడ్‌లో కొత్త రికార్డ్ క్రియేట్ చేసింది. అక్కడ ఇంతకముందు హిందీలో రిలీజైన కేజీఎఫ్ ఛాప్టర్ 1 లైఫ్ టైంలో సాధించిన వసూళ్ళను పుష్ప 13 రోజుల్లో క్రాస్ చేయడం విశేషం. 13 రోజుల్లో 45.5 కోట్ల రూపాయలతో బాలీవుడ్ ఇండస్ట్రీలో దూసుకుపోతుంది పుష్ప ఆర్ట్ 1. ఇంకా కూడా అక్కడ వసూళ్ళు రాబట్టే సూచనలు కనిపిస్తున్నాయి. ఇక నెక్స్ట్ టార్గెట్ బాహుబలి సిరీస్ అని చెప్పుకుంటున్నారు.
Pushpa – KGF 1: వచ్చే ఏడాది దసరా పండుగ సందర్భంగా పుష్ప సీక్వెల్..
బాలీవుడ్‌లో పెద్దగా ప్రమోషన్స్ నిర్వహించని పుష్ప సినిమా ఈ మాత్రం వసూళ్ళు రాబడుతుంది అంటే చాలా గొప్ప విషయం. రష్మిక మందన్న హీరోయిన్‌గా నటించిన ఈ సినిమాలో స్టార్ హీరోయిన్ సమంత ఐటెం సాంగ్ చేసి ఆకట్టుకుంది. ఇక అన్నీ భాషలకు రాక్‌స్టార్ దేవీశ్రీప్రసాద్ సంగీతం అందించాడు. కాగా, 2022, ఫిబ్రవరి నుంచి పుష్ప సినిమా సీక్వెల్‌ను మొదలుపెట్టబోతున్నారు. దాదాపు పార్ట్ 1లో నటీ నటులందరూ కంటిన్యూ అవుతున్నారు. ఇక అన్ని అనుకున్నట్టు పూర్తైతే వచ్చే ఏడాది దసరా పండుగ సందర్భంగా ఈ సీక్వెల్ సినిమా విడుదల చేసేందుకు మేకర్స్ ప్లాన్ చేస్తున్నారు.
