Pushpa: స్టైలిష్ స్టార్ అల్లు అర్జున్ ఇటీవల ఐకాన్ స్టార్ గా మారిపోయిన సంగతి తెలిసిందే. “అలా వైకుంఠపురం లో” సినిమాతో భారీ బ్లాక్ బస్టర్ విజయంతో మంచి జోరు మీద ఉన్న అల్లు అర్జున్ ప్రస్తుతం సుకుమార్ దర్శకత్వంలో “పుష్ప” సినిమా చేస్తున్నారు. గతంలో వీరిద్దరి కాంబినేషన్ లో వచ్చిన ఆర్య, ఆర్య 2 సినిమాలు సూపర్ డూపర్ హిట్ కావడంతో ప్రస్తుతం వస్తున్న ఈ సినిమాపై అంచనాలు ఓ రేంజిలో పెట్టుకున్నారు.
సరికొత్త మేక్ఓవర్ తో అల్లు అర్జున్ లుక్ ఉండటంతో పాటు లారీ డ్రైవర్ పాత్రలో చేస్తూ ఉండటంతో… సుకుమార్ టేకింగ్ ఏ విధంగా ఉంటుందో అని తెగ ఊహించుకుంటున్నారు అభిమానులు. సినిమాలో గిరిజన యువతి పాత్రలో నటిస్తోంది రష్మిక మందన. ఫస్ట్ టైం పాన్ ఇండియా తరహాలో సుకుమార్ దర్శకత్వం చేయడం మరో పక్క అల్లు అర్జున్ హీరోగా చేయటంతో సినిమా హై టెక్నికల్ వాల్యూస్ తో తెరకెక్కుతోంది. ఇదిలా ఉంటే సినిమా రెండు భాగాలుగా వస్తున్నట్లు ఇటీవల వార్తలు వచ్చాయి.
పరిస్థితి ఇలా ఉండగా సినిమా కి సంబంధించిన టీజర్ ఇటీవల రిలీజ్ అవ్వటం తెలిసిందే. బన్నీ పుట్టినరోజు సందర్భంగా రిలీజ్ అయిన… టీజర్ తాజాగా సోషల్ మీడియాలో సరికొత్త రికార్డ్ క్రియేట్ చేసింది. టాలీవుడ్ ఇండస్ట్రీలో ఏ సినిమా టీజర్ క్రియేట్ చేయనీ రికార్డు.. ఇటీవల “పుష్ప” దక్కించుకుంది. 1.5 మిలియన్ లైక్స్ సొంతం చేసుకోవడంతో పాటు 65 మిలియన్ వ్యూస్ సాధించిన టీజర్ గా “పుష్ప” సరికొత్త రికార్డు క్రియేట్ చేసింది. దీంతో అభిమానులు ఫుల్ ఖుషి లో ఉన్నారు. ఇదిలా ఉంటే ప్రస్తుతం కరోనా కారణంగా థియేటర్లు క్లోజ్ అవడంతో… ఆగస్టు 13వ తారీకు రిలీజ్ కావాల్సిన ఈ సినిమా వాయిదా పడే అవకాశం ఉన్నట్లు ఫిలింనగర్ టాక్.
Manchu Manoj: కూతురు పుట్టిన వెంటనే మంచు మనోజ్ చేసిన పనికి అవాక్ అయిన మౌనిక.. కన్నీళ్లు పెట్టుకుంటూ ఎమోషనల్..!