Pushpa Movie: బన్నీ అభిమానులకు సడన్ షాకిచ్చిన “పుష్ప” యూనిట్..!!
Pushpa Movie: సంక్రాంతి పండుగ సందర్భంగా సినిమా ఇండస్ట్రీలో భారీ సినిమా ప్రాజెక్టులకు సంబంధించి ఏదో ఒక అప్ డేట్ రిలీజ్ చేయడం ఇటీవల మనం చూశాం. దీనిలో భాగంగానే పవన్ కళ్యాణ్ నటించిన “వకీల్ సాబ్” సినిమా టీజర్ కూడా రిలీజ్ అయింది. అంటే కాకుండా మరికొన్ని సినిమాలకు సంబంధించిన అప్ డేట్లు బయటకు వచ్చాయి. కానీ సుకుమార్ దర్శకత్వంలో బన్నీ నటించిన పుష్ప సినిమాకి సంబంధించి ఎలాంటి వార్త బయటకు రాలేదు. ఇదిలా ఉంటే సంక్రాంతి పండుగ అయిపోయి దాదాపు పది రోజులు కావస్తున్న క్రమంలో సడన్ గా పుష్ప సినిమా యూనిట్ పుష్ప రిలీజ్ డేట్ చెప్పటమే కాక సినిమాకి సంబంధించిన అల్లు అర్జున్ పిక్ ఒకటి రిలీజ్ చేయడంతో బన్నీ అభిమానులకు షాక్ ఇచ్చినట్లు అయింది. గుబురు గడ్డం తో భయంకరమైన మాస్ లుక్ లో అల్లు అర్జున్ తాజా ఫోటో ఉంది. ఈ సినిమాని ఆగష్టు 13 వ తారీకు రిలీజ్ చేస్తున్నట్లు సినిమా యూనిట్ అధికారికంగా డేట్ అనౌన్స్ చేసింది. దీంతో ఈ వార్త తెలుసుకుని బన్నీ అభిమానులు ఫుల్ హ్యాపీ గా ఫీల్ అవుతున్నారు. మైత్రి మూవీ మేకర్స్ నిర్మిస్తున్న ఈ సినిమాలో బన్నీ సరసన హీరోయిన్ గా ఫస్ట్ టైం రష్మిక మందన నటిస్తోంది. అంతేకాకుండా ఈ సినిమాలో గంధపు చెక్కల స్మగ్లర్ క్యారెక్టర్ చేయటమే కాక లారీ డ్రైవర్ పాత్రలో కూడా బన్నీ కనిపించనున్నట్లు ఫిల్మ్ నగర్ టాక్. సుకుమార్ దర్శకత్వంలో బన్నీ నటిస్తున్న ఈ మూడు సినిమాపై అభిమానులలో మాత్రమే కాక ఇండస్ట్రీలో కూడా అంచనాలు ఓ రేంజిలో ఉన్నాయి.