Allu arjun – Nani: నట సింహం నందమూరి బాలకృష్ణతో ఐకాన్ స్టార్ అల్లు అర్జున్ పోటీగా వచ్చి గట్టిగానే నిలబడ్డాడు. 100వ సినిమా గౌతమీ పుత్ర శాతకర్ణి తర్వాత హిట్ అంటూ లేని బాలయ్య ఎట్టకేలకు మళ్ళీ బోయపాటి శ్రీను దర్శకత్వంలోనే అఖండ సినిమా చేసి భారీ కమర్షియల్ హిట్ అందుకున్నారు. 100 కోట్ల పైనే వసూళ్ళు సాధించి అఖండ విజయాన్ని అందుకుంది అఖండ సినిమా. ఈ సినిమా ప్రభావం అల్లు అర్జున్ నటించిన పుష్ప మీద పడుతుందేమో అని కొందరు సందేహాలు వ్యక్తం చేశారు. కానీ, అఖండ కేవలం తెలుగులోనే నిర్మించిన సినిమా.
పుష్ప సిరీస్లో వచ్చిన పుష్ప: ది రైజ్ పార్ట్ 1 పాన్ ఇండియన్ సినిమా. దాంతో అన్నీ భాషలలో బ్లాక్ బస్టర్ హిట్ సాధించింది. ఇప్పటికే 275 కోట్లకు పైగానే పుష్ప సినిమా రాబట్టిందని స్వయంగా నిర్మాతలే చెప్పుకుంటున్నారు. ఇలాంటి భారీ సక్సెస్ సాధించి బాక్సాఫీస్ వద్ద సక్సెస్ఫుల్గా రన్ అవుతున్న సినిమాలతో పోటీగా నేచురల్ స్టార్ నాని తను నటించిన శ్యామ్ సింగ రాయ్ చిత్రాన్ని బరిలో దింపాడు. నిన్నుకోరి సక్సెస్ తర్వాత మళ్ళీ నానికి ఇప్పటి వరకు ఆశించిన సక్సెస్ దక్కలేదు. అంతేకాదు ఇటీవల వచ్చిన శ్యామ్ సింగ రాయ్ సినిమా మీద కూడా కాస్త భిన్న అభిప్రాయాలు ఉన్నాయి.
Allu arjun – Nani: 2021 ఇయర్ ఎండింగ్లో వచ్చిన అఖండ, పుష్ప, శ్యామ్ సింగ రాయ్ హిట్ సాధించి ఇండస్ట్రీకి ఊపిరి పోశాయి.
కానీ, నాని అవన్నీ పట్టించుకోకుండా చాలా నమ్మకంగా పాన్ ఇండియన్ స్థాయిలో శ్యామ్ సింగ రాయ్ చిత్రాన్ని ప్రేక్షకుల ముందుకు తీసుకువచ్చాడు. ఈ సినిమా సూపర్ హిట్ టాక్ తెచ్చుకుంది. ముందు రెండు భారీ చిత్రాలు దూసుకుపోతున్నా కూడా నాని సినిమా మీద వాటి ప్రభావం ఏమాత్రం పడలేదు. శ్యామ్ సింగ రాయ్ మంచి వసూళ్ళతో బాక్సాఫీస్ వద్ద సత్తా చాటుతోంది. నాని పెట్టుకున్న నమ్మకాలన్నీ శ్యామ్ సింగ రాయ్ నిజం చేసింది. ఈ సినిమా రిలీజ్కు ముందు నాని అభిమానులతో పాటు మెగా అభిమానులు కామన్ ఆడియన్స్ పుష్ప రాజ్ ముందు శ్యామ్ సింగ రాయ్ తట్టుకుంటాడా అని మాట్లాడుకున్నారు. ఇప్పుడు నాని హిట్ అందుకొని పోటీని ఎదుర్కున్నాడని చెప్పుకున్నాడు. మొత్తానికి 2021 ఇయర్ ఎండింగ్లో వచ్చిన అఖండ, పుష్ప, శ్యామ్ సింగ రాయ్ హిట్ సాధించి ఇండస్ట్రీకి ఊపిరి పోశాయి.