రాధిక ఇప్పుడు దర్శకత్వం వహిస్తున్నారు. నిన్న మొన్నటిదాకా నటనతో బిజీగా ఉన్న రాధిక మెగాఫోన్ చేతబట్టారు. ఆమె దర్శకత్వంలో ఓ షార్ట్ ఫిల్మ్ తెరకెక్కింది. స్లీప్ వాకర్స్ అనేది ఆ షార్ట్ ఫిల్మ్ పేరు. దక్షిణాదిన బాలకృష్ణ, ప్రకాష్రాజ్, రజనీకాంత్తో కలిసి నటించింది రాధికా ఆప్టే. ఈ మధ్య కాలంలో ఆమె చేసిన లస్ట్ స్టోరీస్, శాకర్డ్ గేమ్స్ చాలా పెద్ద హిట్టయ్యాయి. ఈ ప్యాడ్ మన్ నటి ఇప్పుడు దర్శకురాలిగా మారారు. థాట్ ప్రొవోకింగ్ కాన్సెప్ట్ తో ఓ షార్ట్ ఫిల్మ్ చేశారు. ఈ మధ్యనే షూటింగ్ పూర్తయింది. గుల్షన్ దేవయ్య, షహానా గోస్వామి ఇందులో కీలక పాత్రల్లో నటించారు. మాక్ గుఫ్ఫిన్ పిక్చర్స్, కొలొసియమ్ కలిసి ఈ ప్రాజెక్ట్ ను రూపొందించాయి. వాతావరణ మార్పుల వల్ల మానవాళికి జరిగే చెడును ఇందులో ప్రస్తావించారు. ప్రస్తుతం పోస్ట్ ప్రొడక్షన్ పనులు జరుగుతున్నాయి. ఈ లఘు చిత్రాన్ని ఎప్పుడు విడుదల చేస్తారనే విషయాన్ని త్వరలోనే వెల్లడిస్తారు.