Raghavendra Rao: పాతికేళ్ల క్రితం దర్శకేంద్రుడు కె.రాఘవేంద్రరావు దర్శకత్వం వహించిన పెళ్లిసందడి సినిమా ఏ స్థాయిలో ప్రేక్షకులను ఆకట్టుకుందో ప్రత్యేకంగా చెప్పాల్సిన పనిలేదు. ఈ సినిమా విడుదల అయి పాతికేళ్లు అవుతున్న ఈ సినిమాలోని పాటలు ఇప్పటికీ ప్రేక్షకులను ఎంతగానో ఆకట్టుకుంటాయి. పాతికేళ్ల తర్వాత దర్శకేంద్రుడు ఈ సినిమా మరోసారి తెరకెక్కించాలని ఆలోచన వచ్చింది. ఈసారి మోడ్రన్ పెళ్లి సందడిగా ఈ సినిమాను తెరకెక్కించనున్నారు. తాజాగా ఈ సినిమాకు సంబంధించిన ఓ క్రేజీ అప్డేట్ చక్కర్లు కొడుతోంది.
రాఘవేంద్ర రావు పెళ్లి సందడి సినిమా 1996లో విడుదలైన దాదాపు సంవత్సరం పాటు థియేటర్లో ప్రదర్శితమైంది. ఈ సినిమా మంచి విజయం సాధించడమే కాకుండా మ్యూజికల్ హిట్ అని కూడా చెప్పవచ్చు. ఈ సినిమాలో పాటలు ప్రేక్షకులను ఎంతగానో ఆకట్టుకున్నాయి. ప్రస్తుతం తెరకెక్కుతున్న పెళ్లిసందడి సినిమాలో అంతకుమించి ఉండేవిధంగా దర్శకుడు ప్లాన్ చేసినట్లు తెలుస్తోంది.
రాఘవేంద్ర రావు మోడ్రన్ పెళ్లి సందడి:
మోడ్రన్ పెళ్లిసందడి సినిమా షూటింగ్ పనులు శరవేగంగా జరుగుతున్నాయి.అప్పుడు పెళ్లి సందడిలో శ్రీకాంత్ నటించగా ఈ సినిమాలో శ్రీకాంత్ కొడుకు రోషన్ సందడి చేయనున్నారు. ఇకపోతే ఈ సినిమాలోని ఓ పాటను ఈ నెల 28న విడుదల చేయనున్నట్లు తాజా సమాచారం వినబడుతుంది. ఈ తేదీ అంటే రాఘవేంద్రరావుకు ఎంతో ప్రత్యేకం. ఏప్రిల్ 28న దర్శకుడు రాఘవేంద్రరావు తెరకెక్కించిన అడవిరాముడు విడుదలైంది. టాలీవుడ్ ఇండస్ట్రీలోనే ఈ సినిమా రికార్డులను తిరగరాసింది.అదేవిధంగా రాఘవేంద్రరావు సమర్పణలో ఎస్ఎస్ రాజమౌళి తెరకెక్కించిన బాహుబలి2 చిత్రం కూడా విడుదలై సంచలన విజయం సాధించింది. అందుకే దర్శకుడుకి ఏప్రిల్ 28 అంటే ఎంతో ప్రత్యేకం. ఈ క్రమంలోనే మోడ్రన్ పెళ్లి సందడి సినిమాలోని పాటను కూడా ఏప్రిల్ 28న విడుదల చేయనున్నట్లు తెలుస్తోంది.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!