రాజ్ తరుణ్ ఎందుకు పరుగులు తీసినట్టు?
రాజ్తరుణ్ కారు మంగళవారం ఉదయం హైదరాబాద్లోని అలకాపురి కాలనీలో డివైడర్ను ఢీకొట్టింది. కారులో బెలూన్లు తెరుచుకోవడంతో రాజ్తరుణ్కి పెద్దగా గాయాలు తగల్లేదు. రాజ్ తరుణ్ కారుకు జరిగిన ప్రమాదాన్ని అందరూ తరుణ్కి జరిగిందని భావించారు. తరుణ్ తల్లిదండ్రులకు ఫోన్లుచేసి పరామర్శించడం మొదలుపెట్టారు. కానీ తరుణ్ ఇంటి నుంచి బయటకు వెళ్లలేదని అతని తల్లిదండ్రులు క్రిస్టల్ క్లియర్గా చెప్పేశారు. సో అప్పుడు అందరికీ రాజ్తరుణ్ పేరు గుర్తుకొచ్చింది. దానికి తోడు ప్రమాదం జరిగిన స్పాట్ నుంచి రాజ్తరుణ్ పరుగులు తీసిన సీసీటీవీ ఫుటేజ్ బయటకు వచ్చింది. దాంతో విషయం పూర్తిగా రాజ్తరుణ్ మీద ఫోకస్ అయింది.
ఎందుకు జరిగింది?
అలకాపురి కాలనీలో అంత స్పీడ్గా కారు నడిపే సీన్ ఉండదు. పైగా కారును ఎంత స్పీడ్గా నడిపి ఉండకపోతే డివైడర్ను కొట్టుకుని ఉంటుంది? బెలూన్లు ఓపెన్ అయి ఉంటాయి? అంత కన్నూమిన్నూ తెలియకుండా రాజ్తరుణ్ ఎందుకు కారు నడిపినట్టు? ఆయనేమైనా మత్తులో ఉన్నారా? ఉంటే అది మద్యం సేవించిన మత్తా? డ్రగ్స్ వల్ల వచ్చిన మత్తా? ఆ కారులో ఏమైనా అసాంఘిక కార్యకలాపాలకు పాల్పడ్డారా? ఒకవేళ నిజమే అయితే, అది ఏంటి? అసలు అంత తెల్లవారుజామున రాజ్తరుణ్ ఎక్కడికి వెళ్లినట్టు? అనేవి అనుమానాలు. జరిగింది తెల్లారుజామున కాబట్టి ఒకవేళ కారు రేసులులాంటివాటిలో ఏమైనా పాల్గొన్నారా? అనే విషయం తెలియాల్సి ఉంది.
పరుగుకు అర్థమేంటి?
కారు డివైడర్ను కాకుండా, ఎవరినైనా వ్యక్తులను ఢీకొట్టి ఉంటే ప్రమాదానికి గురైన వారు ఎమోషన్ అయి ఏమైనా చేస్తారేమోనని పారిపోతే ఓ అర్థం ఉంది. పోనీ కారు బ్లాస్ట్ అవుతుందనుకున్నప్పుడు కాస్త గబుక్కున కారు దిగినా అర్థం ఉంది. అదేమీ లేకుండా భయం భయంగా రాజ్తరుణ్ ఎందుకు పరుగులు తీసినట్టు అనే దానిమీద సర్వత్రా చర్చ జరుగుతోంది.
ఇదేం హీరోయిజం…
స్క్రీన్ మీద వంద మందిని ఒంటి చేత్తో మట్టికరిపించే హీరోలు, నిజ జీవితంలో చిన్నపాటివాటికే బెంబేలెత్తడం పలువురికి నవ్వు తెప్పించింది. బాధ్యతగా ఉండాల్సిన వ్యక్తి ఇలా చీప్గా బిహేవ్ చేయడం ఏంటని పలువురు విమర్శిస్తున్నారు.
సెలబ్రిటీ హోదా మామూలుగా రాదు. కానీ ఒకసారి వచ్చాక దాన్ని కాపాడుకోవాలి. బాధ్యతగా ప్రవర్తించాలి. పబ్లిక్లో చీప్ అయిపోకూడదని మిగిలిన వారు తెలుసుకోవడానికి ఇది ఒక ఉదాహరణగా ఉంటుందనీ సామాన్య జనాలు అంటున్నారు.