Mahesh Babu: టాలీవుడ్ ఇండస్ట్రీలో రాజమౌళి దర్శకత్వంలో మహేష్ బాబు సినిమా వస్తే బాగుంటుంది అని ఎప్పటినుంచో అనుకుంటున్నారు. అయితే తాను మహేష్ బాబు సినిమా చేస్తున్నట్లు రాజమౌళి గత లాక్డౌన్ సమయంలో ఓ ప్రముఖ టీవీ న్యూస్ ఛానల్ కి ఇచ్చిన ఇంటర్వ్యూలో చెప్పుకొచ్చారు. ఆ సమయంలోనే కాదు అంతకు ముందు పూరి జగన్నాథ్ దర్శకత్వంలో మహేష్ నటించిన “బిజినెస్ మ్యాన్” ప్రీ రిలీజ్ వేడుకలో కూడా రాజమౌళి ఇదే రీతిలో కామెంట్లు చేయడం జరిగింది.
పరిస్థితి ఇలా ఉండగా ఈ సినిమాని కేఎల్ నారాయణ అనే నిర్మాత నిర్మిస్తున్న సంగతి తెలిసిందే. ఈ నేపథ్యంలో తాజాగా రాజమౌళి- మహేష్ ప్రాజెక్ట్ గురించి సంచలన వ్యాఖ్యలు చేశారు. ఏమన్నారంటే… నేను సినిమా చేద్దామనే టైంకి … ఇప్పటికీ మహేష్ రాజమౌళి రేంజ్ మారిపోయింది. కానీ వాళ్ళు ఇచ్చిన మాటకి కట్టుబడి సినిమా చేస్తున్నారు… నిజంగా వాళ్ల వ్యక్తిత్వానికి విలువలకి హ్యాట్సాఫ్ అని చెప్పవచ్చు అంటూ నారాయణ కామెంట్లూ చేయడం జరిగింది.
గతంలో కె.ఎల్.నారాయణ సినీ ఇండస్ట్రీలో పలు చిత్రాలను నిర్మించడం జరిగింది. ఇదిలా ఉంటే రాజమౌళి.. మహేష్ సినిమా.. ఆఫ్రికా అడవుల్లో బ్యాక్ డ్రాప్ లో… తెరకెక్కించే ఆలోచనలో ఉన్నారట. ఇప్పటికే స్క్రిప్ట్ ఆ దిశగా ఉండాలని.. విజయేంద్ర ప్రసాద్ కి రాజమౌళి చెప్పినట్లు సోషల్ మీడియాలో వార్తలు వస్తున్నాయి. “RRR” సినిమా కంప్లీట్ అయిన వెంటనే రాజమౌళి ఈ సినిమాను తెరకెక్కించనున్నారు.