దర్శకధీరుడు రాజమౌళి దర్శకత్వంలో తెరకెక్కిన “బాహుబలి” భారతీయ చలనచిత్ర రంగంలో చరిత్ర సృష్టించిన సంగతి తెలిసిందే. “బాహుబలి” బ్లాక్ బస్టర్ విజయంతో దేశంలోనే కాదు ప్రపంచస్థాయి సినీ ప్రేమికులు ఇండియన్ ఫిలిం ఇండస్ట్రీ నెక్స్ట్ లెవెల్ లోకి వెళ్లిందని కామెంట్లు చేయడం జరిగింది. ప్రపంచంలో చాలా చోట్ల ఈ సినిమా సూపర్ డూపర్ హిట్ జపాన్ దేశంలో రికార్డు స్థాయి కలెక్షన్స్ కొల్లగొట్టింది. అంతేకాదు అక్కడ ప్రభాస్ మరియు రాజమౌళి సినిమా యూనిట్ కి జపాన్ దేశ సినీ ప్రేమికులు భారీగా స్వాగతం పలికారు.
“బాహుబలి” విజయంలో జపాన్ దేశం కూడా కీలక పాత్ర పోషించింది. దీంతో ప్రభాస్ మరియు రాజమౌళి సినిమాలను అక్కడ భారీ మార్కెట్ ఏర్పడింది. ఈ పరిణామంతో ఇప్పుడు “RRR” సినిమాని జపాన్ దేశంలో విడుదల చేయడానికి సినిమా యూనిట్ రెడీ అయింది. ఈ ఏడాది అక్టోబర్ 21వ తారీకు “RRR” జపాన్ లో విడుదల చేస్తున్నట్లు సినిమా యూనిట్ అధికారికంగా తెలపడం జరిగింది.
మార్చి 25వ తారీకు ఇండియాలో “RRR” విడుదల కావడం తెలిసిందే. రాజమౌళి దర్శకత్వంలో తెరకెక్కిన చరణ్, ఎన్టీఆర్ స్క్రీన్ పై ఇరగదీసారు. దీంతో వెయ్యి కోట్లకు పైగానే కలెక్షన్ సాధించడం జరిగింది. ఇప్పటికే ఓటీటీ లో రిలీజ్ అయిన.. ఈ సినిమా హాలీవుడ్ ప్రముఖుల ప్రశంసలు అందుకుంటుంది. ఈ పరిణామంతో బాహుబలి మేనీయాతో జపాన్ దేశంలో RRR అక్టోబర్ 21వ తేదీన గ్రాండ్ గా రిలీజ్ చేస్తున్నారు. మరి జపాన్ దేశంలో RRR ఎన్ని సంచలనలు సృష్టిస్తుందో చూడాలి.
Shobha Shetty: ఆ పార్ట్స్ చూపిస్తూ రోడ్ ఎక్కిన శోభా శెట్టి.. ఘోరంగా ట్రోల్స్..!