GodFather: దసరా పండుగ నాడు మోహన్ రాజా దర్శకత్వంలో చిరంజీవి నటించిన “గాడ్ ఫాదర్” విడుదల అయి బ్లాక్ బస్టర్ విజయం సాధించడం తెలిసిందే. మలయాళం “లూసిఫర్” సినిమాకి రీమేక్ గా తెరకెక్కిన ఈ చిత్రం.. ఒరిజినల్ కథకి పూర్తి భిన్నంగా తెలుగు నేటివిట్టికి దగ్గరగా… కథలో చాలా మార్పులు చేసి తెలుగు ప్రేక్షకులను ఎంతగానో ఆకట్టుకున్నారు. సినిమాలో బ్రహ్మ పాత్రలో చిరంజీవి నటన చాలా వైవిధ్యంగా కొత్తగా.. ప్రజెంట్ చేయటంలో దర్శకుడు మోహన్ రాజా సక్సెస్ సాధించారు.
చాల కాలం తర్వాత చిరంజీవిని ఓ మంచి పాత్రలో చూపించారని ఫ్యాన్స్ ఫుల్ సంబరాలు చేసుకుంటున్నారు. దీంతో చిరంజీవిని అభిమానించే చాలామంది “గాడ్ ఫాదర్” సినిమాపై గత కొద్ది రోజుల నుండి ప్రశాంసల వర్షం కురిపిస్తూ ఉన్నారు. కాగా తాజాగా సౌత్ ఇండియా సూపర్ స్టార్ రజనీకాంత్… “గాడ్ ఫాదర్” చూసి అభినందించిన విషయాన్ని దర్శకుడు మోహన్ రాజా సోషల్ మీడియా ద్వారా తెలియజేశారు. సినిమా చాలా అద్భుతంగా ఉందని.. తెలుగుదనానికి తగ్గట్టు వైవిద్యంగా చూపించారని.. రజిని తెలిపినట్లు పేర్కొన్నారు.
ఈ సందర్భంగా రజినీకాంత్ కి మోహన్ రాజా కృతజ్ఞతలు తెలియజేశారు. ఇదిలా ఉంటే కలెక్షన్ ల పరంగా “గాడ్ ఫాదర్” సరికొత్త రికార్డులు సృష్టిస్తుంది. విడుదలైన మూడు రోజులకే రూ100 కోట్ల గ్రాస్ కలెక్ట్ చేయడం ఇండస్ట్రీలో సంచలనం సృష్టించింది. ఇంకా సినిమాలో సల్మాన్ ఖాన్ ఉండటంతో ఉత్తరాదిలో హిందీ వర్షన్ “గాడ్ ఫాదర్” కి భారీ ఎత్తున రెస్పాన్స్ వస్తూ ఉండటంతో అదనపు స్క్రీన్ లు యాడ్ చేయటం జరిగింది. ఓవరాల్ గా చూసుకుంటే ఈ ఏడాది ప్రారంభంలో “ఆచార్య” తో నిరాశపరిచిన చిరంజీవి “గాడ్ ఫాదర్”తో సరికొత్త బ్లాక్ బస్టర్ అభిమానులకు ఇవ్వడం జరిగింది.
Manchu Manoj: కూతురు పుట్టిన వెంటనే మంచు మనోజ్ చేసిన పనికి అవాక్ అయిన మౌనిక.. కన్నీళ్లు పెట్టుకుంటూ ఎమోషనల్..!