Rajinikanth : తమిళ తలైవా, సూపర్ స్టార్ రజనీకాంత్ ఈ పేరు వింటే చాలు ప్రేక్షకులలో ఎక్కడలేని ఆనందం పుట్టుకొస్తుంది.రజనీ సినిమా విడుదల అవుతుందంటే చాలు థియేటర్ల ముందు భారీ కటౌట్లు, పాలాభిషేకాలు చేస్తూ థియేటర్ల ముందు అభిమానులు ఎంతో సందడి చేస్తారు. బాల్యంలో తినడానికి తిండి దొరక్క ఎన్నో కష్టాలు అనుభవించి, యవ్వనంలో ఆర్థిక సమస్యలతో పోరాడుతూ ఒక బస్ కండక్టర్ గా పని చేసిన రజనీకాంత్ ఇప్పుడు దాదా సాహెబ్ ఫాల్కే అవార్డ్ గ్రహీత స్థాయికి ఎదిగారు. రజనీకాంత్ సినిమా వస్తుందంటే చాలు ప్రపంచం మొత్తం ఆ సినిమా కోసం ఎంతో ఆతృతగా ఎదురుచూస్తారు.
రజినీకాంత్ కేవలం తన నటనతో మాత్రమే కాకుండా మంచి మనసుతో ఎంతో మంది ప్రేక్షకులను సంపాదించుకున్నారు. చిన్న సినిమా అయినా, పెద్ద సినిమా అయినా, హీరో అయినా విలన్ అయినా సినిమాలలో తన స్టైల్, డైలాగులు చెప్పే విధానం ఎంతగానో ప్రేక్షకులను ఆకట్టుకునేది. రజనీకాంత్ సినిమాలలో ఎలాంటి పాత్రలోనైనా ఇట్టే ఇమిడిపోయి నటించేవారు. 1978 ఏడాదిలోనే దాదాపు 20 సినిమాలకు పైగా నటించిన హీరోగా రజనీకాంత్ పేరు సంపాదించారు.
బైరవి చిత్రంతోనే సూపర్ స్టార్ గా మారిన రజినీ:
1978 సంవత్సరంలో రజినీకాంత్ వరుసగా 20 సినిమాల్లో నటించారు. 20 సినిమాలలో ఒకటే భైరవి సినిమా. ఈ సినిమా బాక్సాఫీస్ దగ్గర కలెక్షన్ల వర్షం కురిపించింది. ఈ సినిమా ద్వారానే రజనీకాంత్ సూపర్ స్టార్ అనే బిరుదుని కూడా సంపాదించుకున్నారు.ఆ తర్వాత ఎన్నో అవార్డులను అందుకున్న సూపర్ స్టార్ ప్రస్తుతం దాదా సాహెబ్ ఫాల్కే అవార్డును కూడా అందుకోబోతున్నారు. 2016వ సంవత్సరంలో దివంగత రాష్ట్రపతి ప్రణబ్ ముఖర్జీ చేతుల మీదుగా పద్మ విభూషణ్ పురస్కారం అందుకున్నారు. ఒక సాధారణ బస్ కండక్టర్ స్థాయి నుంచి సినిమాలలోకి అడుగుపెట్టిన రజనీకాంత్ చిన్న పెద్ద అనే తేడా లేకుండా వచ్చిన అవకాశాలను వినియోగించుకొని ప్రస్తుతం ఈ స్థాయిలో ఉండటం ఎంతో మందికి ఆదర్శం అని చెప్పవచ్చు.
