Aacharya: “ఆర్ఆర్ఆర్” విజయం సాధించటంతో ఫుల్ హ్యాపీ లో రామ్ చరణ్ తేజ్ ఉన్నాడు. “ఆర్ఆర్ఆర్” లో అల్లూరి సీతారామరాజు పాత్రల్లో చరణ్ నటన చాలా హైలెట్ గా ఉండటం మాత్రమే కాదు… పరిణితి చెందిన నటుడిగా… అన్ని వర్గాల ప్రేక్షకులను ఆకట్టుకోవడం జరిగింది. ముఖ్యంగా నార్త్ ప్రేక్షకులు చరణ్ పాత్ర కి బ్రహ్మరథం పడుతున్నారు. దీంతో చరణ్ ముంబైలో ఎక్కడ కనిపించినా భారీ ఫాలోయింగ్ కెమెరాల ముందు దర్శనమిస్తోంది. ఇదిలా ఉంటే ఇప్పుడు ఈ నెలలో ఆచార్య విడుదల కానున్న సంగతి తెలిసిందే.
చిరంజీవితో దాదాపు 40 నిమిషాల పాటు రామ్ చరణ్ ఈ సినిమాలో నటించడంతో పాటు సినిమాకి నిర్మాతగా ఉండటంతో… మెగా అభిమానులకు సరికొత్త సర్ప్రైజ్ చరణ్ ప్లాన్ చేయడం జరిగిందట. విషయంలోకి వెళితే సినిమాలో స్పెషల్ సాంగ్ తాజాగా చరణ్ ప్లాన్ చేసినట్లు ఇండస్ట్రీలో వార్తలు వస్తున్నాయి. ఈ సాంగ్ యొక్క స్పెషాలిటీ చిరంజీవి చరణ్ దాదాపు ఒకే రకంగా స్టెప్పులు.. కొన్ని నిమిషాల పాటు వేస్తూనే ఉంటారట. త్వరలోనే ఈ స్పెషల్ సాంగ్.. విడుదల చేయాలని ఆ తర్వాత ట్రైలర్ విడుదల చేసే ఆలోచనలో చెర్రీ ఉన్నట్లు సమాచారం.
ఏప్రిల్ 29వ తారీకు విడుదల కానున్న ఈ సినిమా.. ప్రమోషన్ కార్యక్రమాలు ఏప్రిల్ మూడో వారంలో మొదలుపెట్టే ఆలోచనలో.. సినిమా యూనిట్ ఉన్నట్లు వార్తలు వస్తున్నాయి. టాలీవుడ్ ఇండస్ట్రీలో తిరుగులేని ఒక్క ఫ్లాప్ కూడా లేని డైరెక్టర్ కొరటాల శివ “ఆచార్య” తెరకెక్కించడం తో సినిమాపై భారీ అంచనాలు నెలకొన్నాయి. గతంలో చిరంజీవి, చరణ్ కలిసి “ఖైదీ నెంబర్ 150” లో స్టెప్పులు వేయడం జరిగింది. కేవలం అది కొద్దిపాటి స్టెప్ లు మాత్రమే. అయితే ఈసారి ఆచార్య లో ఫుల్ లెంగ్త్ సాంగ్ లో ఇద్దరు కలిసి పోటాపోటీగా డాన్స్ వేయనున్నట్లు వార్త రావడంతో మెగా అభిమానులు ఫుల్ హ్యాపీగా ఉన్నారు.
