మెగాస్టార్ చిరంజీవి టైటిల్ పాత్ర‌లో న‌టించిన చిత్రం `సైరా న‌ర‌సింహారెడ్డి`. తొలి భార‌త స్వాతంత్య్ర స‌మ‌ర యోధుడు ఉయ్యాల‌వాడ న‌ర‌సింహారెడ్డి బ‌యోపిక్ ఇది. సురేంద‌ర్ రెడ్డి ద‌ర్శ‌క‌త్వంలో రామ్‌చ‌ర‌ణ్ ఈ చిత్రాన్ని నిర్మించారు. ప్ర‌స్తుతం సినిమా నిర్మాణాంత‌ర కార్యక్రమాలు జ‌రుగుతున్నాయి. కాగా.. ఈ సినిమా టీజ‌ర్‌ను స్వాతంత్య్ర దినోత్స‌వం సంద‌ర్బంగా విడుద‌ల చేయాల‌ని అనుకుంటున్నార‌ట. అయితే ఈ టీజర్ నుండే ప్ర‌మోష‌న్స్ ఉధృతిని పెంచాల‌ని నిర్మాత రామ్‌చ‌ర‌ణ్ ప్లాన్. ఎందుకంటే సినిమాను తెలుగు స‌హా మిగిలిన ద‌క్షిణాది భాష‌లు, హిందీలోనూ విడుద‌ల చేయాల‌నే ఆలోచ‌న‌లో ఉన్నారు. కాబ‌ట్టి టీజ‌ర్‌తో అంచ‌నాలు పెంచాల‌నుకుంటున్నారు. ఆ కార‌ణంగా.. ఈ టీజ‌ర్‌ను ఖ‌తార్‌లో జ‌ర‌గ‌బోయే సైమా అవార్డ్స్ వేదిక‌పై ప్ర‌దర్శించాల‌ని అనుకుంటున్నార‌ట. అన్ని కార్యక్రమాలు పూర్తి చేసి సినిమాను అక్టోబ‌ర్ 2న విడుద‌ల చేయ‌డానికి స‌న్నాహాలు చేస్తున్నారు.
