Bheemla Naayak: ఫిబ్రవరి 25వ తారీఖు రానా- పవన్ కళ్యాణ్ కలసి నటించిన “బీమ్లా నాయక్” రిలీజ్ అయ్యి సూపర్ డూపర్ హిట్ అయిన సంగతి తెలిసిందే. ఈ సినిమాలో రానా పవన్… నువ్వా నేనా అన్నట్టు గా నటించారు. ఇద్దరికిద్దరూ స్క్రీన్ మీద అడవిలో వేట కోసం తలబడ్డ… సింహాల మాదిరిగా స్క్రీన్ మీద పెర్ఫార్మెన్స్ తో ప్రేక్షకులను ఎంతగానో అలరించారు.
ఇదిలా ఉంటే ఈ సినిమా ఘన విజయం సాధించడంతో… సినిమా యూనిట్ ప్రమోషన్ కార్యక్రమాలు భారీ ఎత్తున చేస్తోంది. ఇక ఇదే సమయంలో సినిమా విజయం సాధించడం పట్ల సంతోషం వ్యక్తం చేస్తూ పవన్ కళ్యాణ్ పై ఉన్న గౌరవాన్ని కూడా రానా తెలియజేస్తూ ఉన్నారు. దీనిలో భాగంగా మెగా కాంపౌండ్ కి చెందిన ఓ ప్రముఖ హీరో ని పవన్ కళ్యాణ్ తో పోల్చారు. మేటర్ లోకి వెళ్తే మెగా పవర్ స్టార్ రామ్ చరణ్ సేం బాబాయ్ పవన్ కళ్యాణ్ లాంటి పర్సనాలిటీ అని తెలిపారు.
చిన్ననాటి నుండి చరణ్ స్కూల్ ఫ్రెండ్ .. బెస్ట్ ఫ్రెండ్.. అంటూ రానా చరణ్ గురించి కొత్త విషయాలు తెలియజేశారు. బాబాయ్ పవన్ మాదిరిగా చరణ్ కూడా ప్యూర్ న్యాచురల్. చరణ్ నటించిన RRR కోసం… చాలా వెయిట్ చేస్తున్నాను. “రంగస్థలం” లో చరణ్ నటన చాలా అద్భుతంగా ఉంటుంది అంటూ… తనదైన శైలిలో రానా.. స్నేహితుడు రామ్ చరణ్ ని.. బాబాయ్ పవన్ కళ్యాణ్ తో పోల్చారు. ఇదిలా ఉంటే “బీమ్లా నాయక్” ఫుల్ రన్ టైం కలెక్షన్స్.. సరికొత్త రికార్డు సృష్టించడం గ్యారెంటీ అని ట్రేడ్ వర్గాల నుండి అందుతున్న టాక్. శివరాత్రి పండుగ సమయంలో రెండు తెలుగు రాష్ట్రాలలో భారీ స్థాయిలో సినిమాకి కలెక్షన్లు వచ్చినట్లు దీంతో పవన్ “బీమ్లా నాయక్” కొత్త చరిత్ర సృష్టించనున్నట్లు వార్తలు వస్తున్నాయి.