Ram Charan: “RRR” తో మెగా పవర్ స్టార్ రామ్ చరణ్ తేజ్ క్రేజ్ ప్రపంచవ్యాప్తంగా విస్తరించింది. రాజమౌళి దర్శకత్వంలో వచ్చిన ఈ సినిమాలో రామరాజు పాత్రలో చరణ్ నటన చాలామందినీ ఆకట్టుకుంది. ప్రపంచ టాప్ మోస్ట్ డైరెక్టర్ జేమ్స్ కామెరూన్ సైతం చరణ్ నటనని చాలా బాగా ఎంజాయ్ చేసినట్లు ఓ ఇంటర్వ్యూలో తెలియజేశారు. ఈ రకంగా చరణ్ పేరు ప్రపంచవ్యాప్తంగా మారుమొగుతుంది. గత ఏడాది మార్చి నెలలో విడుదలైన “RRR” అనేక రికార్డులు క్రియేట్ చేసింది. ప్రపంచవ్యాప్తంగా ఉన్న సినీ ప్రేమికులను ఎంతగానో ఆకట్టుకుంది.
ఇటువంటి తరుణంలో అమెరికాలో ఓ ప్రముఖ షోలో చరణ్ పాల్గొనడం జరిగింది. మోస్ట్ పాపులర్ షో “గుడ్ మార్నింగ్ అమెరికా 3″(GMA 3) ఇంటర్వ్యూలో పాల్గొన్నారు. “RRR” లోని నాటు నాటు సాంగ్ ఆస్కార్ కి నామినేట్ అయిన సందర్భంగా ప్రమోషన్ లలో భాగంగా ఈ ఇంటర్వ్యూలో నిర్వహించారు. ఇంటర్వ్యూ జరిగే ప్రాంతానికి ఓ లగ్జరీ కారులో చరణ్ ఎంట్రీ అవ్వడంతో.. అదే ప్రాంతంలో అభిమానులు భారీ ఎత్తున చరణ్ కీ స్వాగతం పలికారు. చాలా స్టైలిష్ లుక్ లో చరణ్ ఉండటంతో ఫోటోలు సోషల్ మీడియాలో వైరల్ అవుతున్నాయి. వచ్చే నెలలోనే ఆస్కార్ వేడుకలు జరగనున్నాయి. “నాటు నాటు” సాంగ్ ఆల్ రెడీ గోల్డెన్ గ్లోబ్ అవార్డు గెలవడంతో కచ్చితంగా ఆస్కార్ గెలిచే అవకాశాలు ఉన్నాయని సినీ విశ్లేషకులు వ్యాఖ్యానిస్తున్నారు.
“RRR” కీ ఆస్కార్ రావాలని దేశవ్యాప్తంగా ఉన్న సినీ ప్రేమికులు.. కోరుకుంటున్నారు. ఇప్పటికే ఈ సినిమా చాలా అంతర్జాతీయ అవార్డులు సొంతం చేసుకుంది. సో కచ్చితంగా ఆస్కార్ గెలిచే అవకాశాలు ఉన్నాయని బలంగా నమ్ముతున్నారు. “RRR” కీ ఆస్కార్ వస్తే మాత్రం తెలుగు చలనచిత్ర రంగం యొక్క స్థాయి మరింతగా పెరుగుతోంది.
"RRR" star Ram Charan (@AlwaysRamCharan) dishes on "Naatu, Naatu" becoming the first song from an Indian film production to be Oscar-nominated for best original song. #GMA3 pic.twitter.com/tpfIPFqcDu
— GMA3: What You Need To Know (@ABCGMA3) February 22, 2023