Ram Charan: మెగా పవర్ స్టార్ రామ్ చరణ్ తేజ్ పేరు దేశవ్యాప్తంగా గట్టిగా వినబడుతోంది. ఇటీవల రాజమౌళి దర్శకత్వంలో RRR లో అదిరిపోయే పెర్ఫార్మెన్స్ తో.. సినిమా హిట్ అవటం లో కీలక పాత్ర పోషించారు. చరణ్ చేసిన రామ రాజు పాత్ర ఉత్తరాది ప్రేక్షకులను ఎంతగానో ఆకట్టుకుంది. ఒక పక్క హీరోగా మరో పక్క నిర్మాతగా అన్ని పనులు చూసుకుంటున్నా చరణ్.. తన దగ్గర పని చేసే వారిని చాలా ఆప్యాయంగా చూసుకుంటాడు. ఈ టాక్ ఇండస్ట్రీలో కూడా ఎప్పటినుండో ఉంది.
- Read the latest news from NEWSORBIT
- Follow us on facebook , Twitter , instagram and Googlenews
ఒక్కసారి చరణ్ దగ్గర పని చేస్తే ఆయనను విడిచి పెట్టి రాలేరని అంటుంటారు. అంతగా తన టీం మెంబర్స్ బాగోగులను చెర్రీ చూసుకుంటాడు అంట. ఇదిలాఉంటే ఇటీవల తన కారు డ్రైవర్ బర్తడే అని తెలుసుకుని అతనికి తెలియకుండా కేక్ కటింగ్ ప్రోగ్రాం సెట్ చేసి అతనికి సడన్ సర్ప్రైస్ ఇవ్వటం జరిగిందట. రామ్ చరణ్ దగ్గర డ్రైవర్ గా పనిచేస్తున్న నరేష్.. పుట్టినరోజు సందర్భంగా అతనికి తెలియకుండా తన టీం మెంబర్స్ తో.. కలిసి కేక్ కట్ చేయించి.. చరణ్ బాగా ఎంజాయ్ చేయడం జరిగిందట.
ఈ కేక్ కటింగ్ కార్యక్రమం లో రామ్ చరణ్ తో పాటు ఆయన భార్య ఉపాసన కూడా పాల్గొనటం విశేషం. ఇది మాత్రమే కాదు గతంలో “RRR” షూటింగ్ రష్యా- ఉక్రెయిన్ దేశాల మధ్య జరిగిన సమయంలో తన వద్ద గైడ్ గా ఉన్న వ్యక్తికి కూడా చరణ్ సాయం చేయటం తెలిసిందే. యుద్ధం నేపథ్యంలో ఉక్రెయిన్ లో చాలామంది అనేక ఇబ్బందులు ఎదుర్కొన్నారు ఆ సమయంలో.. తనకి గైడ్ గా వ్యవహరించిన వ్యక్తి..కి అతని కుటుంబానికి భారీగా చరణ్ ఆర్థిక సాయం చేయడం జరిగింది. ఈ విషయాన్ని ఆ ఉక్రెయిన్ వాసి సోషల్ మీడియాలో తెలియజేశారు. ఈ రకంగా తన దగ్గర పనిచేసే వారికి సన్నిహితులకు చరణ్ వారి బాగోగులను చూసుకోవటం అభిమానులను ఎంతగానో ఆకట్టుకుంటుంది.