ఎనర్జిటిక్ హీరో రామ్ పోతినేని నటించిన “ది వారియర్” నేడు రిలీజ్ కానున్న సంగతి తెలిసిందే. లింగు స్వామి దర్శకత్వంలో తెరకెక్కిన ఈ సినిమా తెలుగు, తమిళ భాషల్లో భారీ ఎత్తున నేడు రిలీజ్ అయింది. ఈ సినిమాలో ఫస్ట్ టైం రామ్ పోలీస్ పాత్రలో కనిపిస్తూ ఉండటంతో ఫలితం ఎలా ఉంటుందో అని అభిమానులు ఉత్కంఠంగా ఎదురుచూస్తూ ఉన్నారు. ఇదిలా ఉంటే “దీ వారియర్” సినిమా తర్వాత బోయపాటి దర్శకత్వంలో రామ్ సినిమా చేస్తున్న సంగతి తెలిసింది. పాన్ ఇండియా నేపథ్యంలో ఈ సినిమా తెరకెక్కుతోంది.
స్టార్ట్ అయిన బోయపాటి- రామ్ ప్రాజెక్ట్..??
రామ్ కెరియర్ లోనే అత్యంత భారీ బడ్జెట్ సినిమా. ఫస్ట్ టైం రామ్ పాన్ ఇండియా ప్రాజెక్ట్ చేస్తూ ఉండటంతో అభిమానులు ఫుల్ హ్యాపీగా ఉన్నారు. ఇటువంటి తరుణంలో దర్శకుడు బోయపాటి పనితనంపై రామ్ సంచలన వ్యాఖ్యలు చేశారు. ఇండస్ట్రీలో హీరో దగ్గర నుండి ఏ విధంగా రాబట్టాలి.. అనే క్లారిటీ ఉన్న దర్శకుడు బోయపాటి అని చెప్పుకోచ్చారు. అలాగే తాను తీసే సినిమాలోని తీసే ప్రతి సన్నివేశాన్ని ఎంతో శ్రద్ధగా తీస్తారని రామ్ అన్నారు. ఆయన మీద ఉన్న నమ్మకం బట్టే పాన్ ఇండియా ప్రాజెక్టు ఒప్పుకోవడం జరిగిందని క్లారిటీ ఇచ్చారు.
బోయపాటి ఏం చేయమంటే అది చేస్తాను. కచ్చితంగా ఈ సినిమా.. కెరీర్ కి ప్లస్ అవుతుందని రామ్ పోతినేని స్పష్టం చేశారు. త్వరలోనే ఈ సినిమాకి సంబంధించి రెగ్యులర్ షూటింగ్ స్టార్ట్ కానుంది. ఇదిలా ఉంటే బోయపాటి…పాన్ ఇండియా ప్రాజెక్ట్ లో రామ్ పోతినేని నీ బాలకృష్ణ అభిమానిగా చూపించనున్నట్లు వార్తలు వస్తున్నాయి. “అఖండ” సినిమాతో మంచి జోరు మీద ఉన్న బోయపాటి.. రామ్ పోతినేని ప్రాజెక్టును చాలా ప్రతిష్టాత్మకంగా తీసుకున్నారు.