Ram Charan – Shankar: దక్షిణాదిలో భారీ చిత్రాలతో తనకంటూ ఓ ప్రత్యేకమైన గుర్తింపు సంపాదించుకున్న వారిలో దర్శకుడు శంకర్ ముందువరుసలో ఉంటారు. శంకర్ దర్శకత్వం వహించే సినిమాలకు ప్రేక్షకులు ఎంతో ఆతృతగా ఎదురు చూస్తుంటారు. శంకర్ సినిమా అంటే భారీ గ్రాఫిక్స్ లు, హంగులు ఆర్భాటాలు ఓ రేంజ్ లో ఉంటాయి.సామాజిక సమస్యలే శంకర్ సినిమాలకు ప్రధాన కథా వస్తువులు. సోషల్ ప్రాబ్లెమ్స్కు కమర్షియల్ హంగులు అద్ది మాస్ అండ్ క్లాస్ ఆడియన్స్ను మెప్పిస్తారు. శంకర్ ఎక్కువగా తమిళ హీరోలతోనే ఎంతో భారీ బడ్జెట్ చిత్రాలను నిర్మించారు.
ప్రస్తుతం శంకర్ సినిమాల విషయానికి వస్తే కమల్ హాసన్, కాజల్ అగర్వాల్ జంటగా భారతీయుడు 2 చిత్రాన్ని తెరకెక్కిస్తున్నారు. ఈ సినిమాను లైకా ప్రొడక్షన్స్ సంస్థ వారు ఎంతో ప్రతిష్టాత్మకంగా నిర్మిస్తున్నారు.శంకర్ ఏ సమయంలో ఈ సినిమా ప్రారంభించారో తెలియదు కానీ ఈ సినిమా మొదలైనప్పటి నుంచి ఎన్నో అవాంతరాలు ఏర్పడుతూనే ఉన్నాయి. ఈ సినిమా షూటింగ్ సమయంలో అనుకోని ప్రమాదం వల్ల కొందరు మరణిస్తే కొన్ని రోజుల పాటు ఈ సినిమాకు బ్రేక్ పడింది.తరువాత సినిమా షూటింగ్ చేయాలని ప్రారంభించగా కమల్ హాసన్ తమిళనాడు ఎలక్షన్స్ లో బిజీ అయిపోయారు. దీంతో ఈ సినిమాను పక్కకు పెట్టి శంకర్ తన తర్వాత ప్రాజెక్టును తెలుగు స్టార్ హీరో రామ్ చరణ్ తేజ్ తో సినిమా చేయాలని అధికార ప్రకటన చేశారు. ఈ సినిమాను పాన్ ఇండియా స్థాయిలో దిల్ రాజు నిర్మిస్తున్నట్లు అధికార ప్రకటన కూడా చేశారు.
చరణ్- శంకర్ సినిమాకు భారతీయుడు 2 అంతరాయం:
తాజాగా శంకర్ దర్శకత్వంలో రామ్ చరణ్ పాన్ ఇండియా స్థాయిలో చిత్రాన్ని తెరకెక్కిస్తున్నట్లు అధికారిక ప్రకటన చేసిన సంగతి మనకు తెలిసిందే. ప్రస్తుతం చెర్రీ, ఆచార్య, ఆర్ఆర్ఆర్ సినిమాలతో బిజీగా ఉండటం వల్ల జూన్ నెలలో ఈ సినిమా షూటింగ్ జరుగనున్నట్లు తెలిపారు. ఈ క్రమంలోనే లైకా ప్రొడక్షన్స్ సంస్థ వారు ముందుగా తమతో చేసుకున్న ఒప్పందం ప్రకారం భారతీయుడు 2చిత్రాన్ని పూర్తి చేసిన తర్వాతే మరొక సినిమాను చేయాలని శంకర్ కు నోటీసులు పంపించారు. భారతీయుడు 2 సినిమా పూర్తి చేయకుండా వేరే ప్రాజెక్టులు చేపడితే సివిల్ క్రిమినల్ చర్యలు తీసుకుంటామని లైకా సమస్థ వారు హెచ్చరించారట. ఈ క్రమంలోనే శంకర్ భారతీయుడు 2 సినిమా పూర్తి చేసే వరకు చరణ్ సినిమా మొదలు పెట్టడానికి వీలు లేదు.ఈ విధంగా చరణ్, శంకర్ కాంబినేషన్లో రాబోయే సినిమా మరింత ఆలస్యం కావడంతో ప్రేక్షకులు కొంతమేర నిరాశ చెందుతున్నారు.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!