Bheemla Naayak: బీమ్లా నాయక్ ప్రీ రిలీజ్ వేడుక అభిమానుల మధ్య అంగరంగ వైభవంగా జరిగింది. హైదరాబాద్ నడిబొడ్డులో యూసఫ్ గూడా పోలీస్ గ్రౌండ్ లో జరిగిన ఈ వేడుకకు దాదాపు పదివేల మందికి పైగానే మెగా అభిమానులు హాజరైనట్లు సమాచారం. “బీమ్లా నాయక్” ప్రీ రిలీజ్ వేడుక సోమవారం ఫిబ్రవరి 21 న జరగాల్సి ఉండగా.. ఆరోజు ఏపీ మంత్రి గౌతమ్ రెడ్డి మరణించటంతో వాయిదా పడటం తెలిసిందే. దీంతో ఫిబ్రవరి 23 బుధవారం జరిగిన ఈ వేడుకకు.. ముఖ్య అతిథులుగా కేటీఆర్ టిఆర్ఎస్ మంత్రి తలసాని శ్రీనివాస్ యాదవ్ మరికొంతమంది రాజకీయ నేతలు హాజరయ్యారు. ఈ సందర్భంగా ఒక్కొక్క టెక్నీషియన్ మరియు నటీనటులు సినిమా విశేషాలు తెలియజేయడం జరిగింది.
ఈ క్రమంలో పవన్ కళ్యాణ్ తో పాటు మరొక హీరోగా డానియల్ శేఖర్ పాత్రలో నటించిన రానా.. పవన్ కళ్యాణ్ ని పొగడ్తలతో ముంచెత్తారు. ఈ సినిమా చేయడంతో చాలా మంది మేధావులను కలిశాను. నటుడిగా ఇండస్ట్రీ లో అడుగుపెట్టి 12 సంవత్సరాలు అయ్యింది. ఈ క్రమంలో తెలుగు మరియు హిందీ సినిమాలు చేయడం జరిగింది. కానీ తెలుగు సినిమా హీరో ఎలా అవ్వాలి అన్న కాన్సెప్ట్ ఇంకా అర్థం కాలేదు. ఇటువంటి కన్ఫ్యూజన్ స్టేట్లో ఉన్న సమయంలో.. నా కళ్ళ ముందు అసలు సిసలైన హీరో వచ్చాడు అంటూ పవన్ కళ్యాణ్ నీ చూసి రానా పొగడ్తలతో ముంచెత్తారు.
ఇండియాలో చాలా పెద్ద సూపర్ స్టార్లతో పని చేయడం జరిగింది.. కానీ పవన్ కళ్యాణ్ సార్ చాలా డిఫరెంట్ అని రానా స్పష్టం చేశారు. అంతేకాకుండా మీరు చాలా స్పెషల్ అని రానా పొగిడాడు. ఇప్పటిదాకా నేను చేసిన సినిమాలు ఒక లాగా ఉంటే పవన్ కళ్యాణ్ ఇన్ఫ్లుయెన్స్ తో..ఇక నుండి మరోలా ఉంటాయని రానా సంచలన వ్యాఖ్యలు చేశారు. పవన్ కళ్యాణ్ నుండి చాలా విషయాలు నేర్చుకున్నాను అని కృతజ్ఞతలు తెలిపారు. త్రివిక్రం చాలా డిఫరెంట్ మనస్తత్వం ఉన్న వ్యక్తి అని ఆయన లేకపోతే సినిమా లేదని రానా చెప్పుకొచ్చారు. అదే సమయంలో సినిమా ప్రొడ్యూసర్లకు డైరెక్టర్లకు తన తోటి నటీనటులకు రానా ధన్యవాదాలు తెలిపారు. తెలంగాణ ప్రభుత్వం కచ్చితంగా భారతీయ చలన చిత్ర రంగానికి సినీ హబ్ గా హైదరాబాద్ మారుతుందన్న నమ్మకం ఉందని రానా .. మంత్రి కేటీఆర్ ని మిగతా నాయకులను ఉద్దేశించి కృతజ్ఞతలు తెలియజేస్తూ సంచలన వ్యాఖ్యలు చేశారు.
