బాహుబలితో అంతర్జాతీయ గుర్తింపు సంపాదించుకున్న నటుడు రానా దగ్గుబాటి. ఈ సినిమా క్రేజే ఇప్పుడు రానాకు ఓ మంచి అవకాశాన్ని అందించనుందట. ఎంటీవీ వారు నిర్వహించే బోల్డ్‌ రియాలిటీ షో ఏస్‌ ఆఫ్‌ స్పేస్‌. ఈ రియాలిటీ షోకు రానా వ్యాఖ్యాతగా వ్యవహరించబోతున్నాడని సమాచారం. తొలి సీజన్‌ 42 రోజుల పాటు జరిగింది. బిగ్‌ బాస్‌ తరహాలో ఉండే ఈ రియాలిటీ షో ఎంటీవీ పంథాలో యూత్‌ఫుల్‌గా, స్పైసీగా ఉంటుంది. వికాస్‌ గుప్తా ఫస్ట్‌ సీజన్‌కు వ్యాఖ్యాతగా వ్యవహరించారు. ఇప్పుడు నిర్వాహకులు రానాను సంప్రదించారు. అయితే రానా ఈ విషయంపై ఓ క్లారిటీ ఇవ్వలేదు.
