Raveena Tandon: రవీనా టాండన్.. ఇప్పుడీ పేరు మారుమోగిపోతోంది. కన్నడ రాక్స్టార్ యశ్ హీరోగా ప్రశాంత్ నీల్ దర్శకత్వంలో రూపుదిద్దుకున్న `కేజీఎఫ్-2`లో ప్రధాన మంత్రి రమికా సేన్ పాత్రలో అద్భుతంగా నటించి విమర్శకుల ప్రశంసలు అందుకుంది. పవర్ ఫుల్ లేడీగా, ఫియర్ లెస్ ప్రైమ్ మినిస్టర్ గా తెరపై మ్యాజిక్ సృష్టించింది.
అయితే ఇప్పుడు ఈ బాలీవుడ్ సీనియర్ నటి టాలీవుడ్లో సందడి చేయబోతోందట. పవర్ స్టార్ పవన్ కళ్యాణ్ సినిమాలో ఈమె బంపర్ ఆఫర్ కొట్టేసిందట. పూర్తి వివరాల్లోకి వెళ్లే.. పవన్ కళ్యాణ్ లైన్లో పెట్టిన ప్రాజెక్ట్స్లో `భవదీయుడు భగత్ సింగ్` ఒకటి. హరీష్ శంకర్ దర్శకత్వం వహిస్తున్న ఈ చిత్రంలో పూజా హెగ్డే హీరోయిన్గా ఖరారు అయినట్లు టాక్ నడుస్తోంది.
- Read the latest news from NEWSORBIT
- Follow us on facebook , Twitter , instagram and Googlenews
మైత్రీ మూవీ మేకర్స్ బ్యానర్పై నవీన్, వై రవి శంకర్ కలిసి సంయుక్తంగా నిర్మిస్తున్న ఈ చిత్రానికి సి.వి మోహన్ సంగీతం సమకూర్చబోతున్నారు. అయితే ఈ సినిమాలో ఓ పవర్ ఫుల్ లేడీ పాత్ర ఒకటి ఉంటుందట. ఆ రోల్ కోసం మేకర్స్ రవీనా టాండన్ను సంప్రదించారట. పాత్రకు మంచి ప్రాధాన్యత ఉండటంతో.. రవీనా టాండన్ వెంటనే ఓకే చెప్పిందని టాక్ నడుస్తోంది.
ఈ ప్రచారమే నిజమైతే `భవదీయుడు భగత్ సింగ్`కు ఆమె స్పెషల్ అట్రాక్షన్ అవ్వడం ఖాయమని అంటున్నారు. మొత్తానికి ఇప్పుడీ విషయం మాత్రం నెట్టింట హాట్ టాపిక్గా మారింది. కాగా, పవర్ ప్రస్తుతం క్రిష్ దర్శకత్వంలో `హరిహర వీరమల్లు` చిత్రం చేస్తున్నాడు. ఇది పూర్తైన వెంటనే హరీష్ శంకర్ మూవీ సెట్స్ మీదకు వెళ్లే అవకాశాలు ఉన్నాయి.