కొన్ని సందర్భాల్లో ప్రెస్టీజియ‌స్ సినిమాలు తాత్కాలికంగా ఆగుతాయి. అయితే ఎందుకు ఆగాయ‌నే దానిపై సోష‌ల్ మీడియాలో మాత్రం వార్త‌లు ఏదో ర‌కంగా విన‌ప‌డుతూనే ఉంటాయి. అయితే ఈ వార్త‌ల‌కు భిన్నంగా మ‌రో వార్త రావ‌డం.. సినిమా నిర్మాణంపై ప‌లు అనుమానాల‌కు తావిస్తుంది. ఇప్పుడు లోక నాయ‌కుడు క‌మ‌ల్‌హాస‌న్‌, స్టార్ డైరెక్ట‌ర్ శంక‌ర్ కాంబినేష‌న్‌లో రూపొందుతోన్న ప్రెస్టీజియ‌స్ సీక్వెల్ `ఇండియ‌న్ 2` ఇలాంటి అనుమాన మేఘాలు క‌మ్ముకున్నాయి. ఎందుంటే గ‌త ఏడాది డిసెంబ‌ర్‌లో స్టార్ట్ అయిన ఈ సినిమా కొన్ని కార‌ణాల‌తో ఆగింది. అయితే ఎందుకు ఆగింద‌నే దానిపై చాలా ర‌కాల వార్త‌లు విన‌ప‌డుతూ వ‌చ్చాయి. శంక‌ర్ భారీ బ‌డ్జెట్ చిత్రాల‌కు కేరాఫ్‌. ఆయ‌న‌తో `2.0` సినిమాను తెర‌కెక్కించిన లైకా సంస్థ.. `2.0`లో న‌ష్టాల‌ను చ‌వి చూడ‌టంతో `ఇండియ‌న్ 2` బ‌డ్జెట్ విష‌యంలో ప‌రిమితుల‌ను విధించింద‌ని. ఆ కార‌ణంగానే సినిమా ఆగింద‌ని అన్నారు.
అయితే లెటెస్ట్‌గా మ‌రో వార్త కోలీవుడ్ వ‌ర్గాల్లో చ‌క్క‌ర్లు కొడుతుంది. అదేంటంటే.. సినిమాకు ఆగిపోవ‌డానికి మేక‌ప్ కార‌ణ‌మ‌ట. `ఇండియ‌న్ 2` అంటే క‌మ‌ల్ హాస‌న్ ముస‌లి గెట‌ప్‌లో క‌న‌ప‌డాలి. సీక్వెల్‌లో ఈ గెట‌ప్ ఫ‌స్ట్ పార్ట్ కంటే ఎక్కువ సేపు ఉంటుంది. కాబ‌ట్టి.. క‌మ‌ల్ మేక‌ప్ వేసిన ప్ర‌తిసారి స్కిన్ అల‌ర్జీ వ‌చ్చేస్తుంది. ఈ స‌మ‌స్య‌తో యూనిట్ ఇప్ప‌టికే రెండుసార్లు సినిమాను హోల్డ్ చేసింది. ఇప్పుడు క‌మ‌ల్‌కు ఓకే అనిపిస్తే మ‌ళ్లీ షూటింగ్ స్టార్ట్ చేస్తార‌ని అంటున్నారు. మ‌రి ఈ వార్త‌ల్లో నిజ‌మెంతో యూనిట్‌కే తెలియాలి.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!