డైరెక్ట‌ర్ పూరి జగన్నాథ్ త‌న‌యుడు ఆకాశ్ పూరి హీరోగా రూపొందుతోన్న ల‌వ్ ఎంట‌ర్‌టైన‌ర్ `రొమాంటిక్‌`. బాలీవుడ్ సింగ‌ర్‌, న‌టి కేతికా శ‌ర్మ ఇందులో హీరోయిన్‌గా న‌టిస్తుంది. అనిల్ పాదూరి దర్శకత్వంలో తెర‌కెక్కుతోన్న ఈ చిత్రాన్ని పూరి జగన్నాథ్, చార్మి కౌర్ నిర్మిస్తున్నారు. లేటెస్ట్‌గా ఈ సినిమా గోవా షెడ్యూల్ షూటింగ్‌ను పూర్తి చేసుకుంది. దాదాపు నెల‌రోజుల పాటు జ‌రిగిన ఈ షెడ్యూల్ షూటింగ్ నిన్న‌టితో పూర్త‌య్యింది. గోవా నుండి హైద‌రాబాద్ వ‌స్తున్న టీమ్ ఆ విష‌యాన్ని తెలియ‌జేస్తూ ఓ ఫొటోను కూడా ట్వీట్ చేసింది. ర‌మ్య‌కృష్ణ ఇందులో కీల‌క పాత్ర‌లో న‌టిస్తుంది.
