RRR: యంగ్ టైగ‌ర్ ఎన్టీఆర్‌, మెగా ప‌వ‌ర్ స్టార్ రామ్ చరణ్ హీరోలుగా ద‌ర్శ‌క‌ధీరుడు రాజ‌మౌళి అత్యంత ప్ర‌తిష్టాత్మ‌కంగా తెర‌కెక్కించిన చిత్రం `ఆర్ఆర్ఆర్`. ఆలియా భట్, ఒలివియా మోరిస్ హీరోయిన్లుగా న‌టించ‌గా.. అజయ్ దేవగణ్, శ్రియా సరణ్, సముద్రఖని కీల‌క పాత్ర‌ల‌ను పోషించారు. ఈ భారీ మ‌ల్టీస్టార‌ర్ చిత్రం వాయిదా ప‌డుతూ ప‌డుతూ ఎట్ట‌కేల‌కు మార్చి 25న ప్ర‌పంచ‌వ్యాప్తంగా విడుద‌లైంది.
రిలీజైన అన్ని చోట్ల సూప‌ర్ టాక్ సొంతం చేసుకున్న ఈ మూవీలో కొమ‌రం భీమ్‌గా తార‌క్‌, అల్లూరి సీతారామ‌రాజుగా చరణ్ అద‌ర‌గొట్టేశారు. ఈ నేప‌థ్యంలోనే ఇప్పుడీ చిత్రం బాక్సాఫీస్ వ‌ద్ద క‌లెక్ష‌న్ల ప‌రంగా దుమ్ము దులిపేస్తోంది. రూ. 453 కోట్ల టార్గెట్‌తో బ‌రిలోకి దిగిన ఈ చిత్రం మొద‌టి మూడో రోజుల్లోనే ఏకంగా రూ.202.44 కోట్ల షేర్ వ‌సూల్ చేసేంది.
ఇక నాలుగో రోజు వ‌ర్కింగ్ డే కావ‌డంతో కలెక్షన్స్ డ్రాప్ అవుతాయ‌ని అంద‌రూ భావించారు. కానీ, అనూహ్యంగా ఈ చిత్రం తెలుగు రాష్ట్రాల్లో ఆల్ టైం ఇండస్ట్రీ రికార్డ్ కలెక్షన్స్ ని రాబ‌ట్టింది. అంతేకాదు, ఎవ‌రూ అందుకోలేని `బాహుబలి` రికార్డును చిత్తు చిత్తు చేసిందీ చిత్రం. బాహుబలి 2 సినిమా కి నాలుగో రోజు మే 1 వ‌చ్చింది. ఆ రోజు హాలిడే కావ‌డంతో రూ. 14.65 కోట్ల షేర్ క‌లెక్ట్ చేసి రికార్డు సృష్టించింది.
ఈ రికార్డును గ‌త ఐదే ళ్ల నుంచి ఎవ‌రూ బ్రేక్ చేయ‌లేక‌పోయారు. కానీ, ఇప్పుడు ఆర్ఆర్ఆర్ సినిమా బాహుబలి రికార్డును బ‌ద్ద‌లు కొట్టేసింది. నాలుగో రోజు వ‌ర్కింగ్ డే అయిన‌ప్ప‌టికీ ఆర్ఆర్ఆర్ రూ. 17.73 కోట్ల షేర్ రాబ‌ట్టి.. 4 వ రోజు అత్యధిక కలెక్షన్స్ ని సాధించిన చిత్రంగా టాప్ ప్లేస్‌లో నిలిచింది.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!