RRR: ప్రపంచ వ్యాప్తంగా ఎంతో ఆతృతగా ఎదురు చూస్తున్న ఆర్ఆర్ఆర్ మూవీ రిలీజ్ కౌంట్డౌన్ స్టార్ట్ అయింది. దీనిని తెలుపుతూ మేకర్స్ సరికొత్త పోస్టర్ను వదిలారు. దర్శక ధీరుడు ఎస్ ఎస్ రాజమౌళి దర్శకత్వంలో టాలీవుడ్ స్టార్స్ మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ కలిసి నటించిన లేటెస్ట్ పాన్ ఇండియా చిత్రం ఆర్ఆర్ఆర్ ( రౌద్రం రణం రుధిరం ). ప్రముఖ నిర్మాత డివివి దానయ్య దాదాపు రూ. 450 కోట్ల భారీ బడ్జెట్తో ఈ సినిమాను నిర్మించారు. పలు వాయిదాల తర్వాత ఎట్టకేలకు ఈ చిత్రం పాన్ ఇండియన్ మూవీగా మార్చ్ 25వ తేదీన విడుదల కానుంది.
ఇటీవలే ఈ విషయాన్ని అధికారికంగా సరికొత్త పోస్టర్ను వదిలి చిత్రబృందం ప్రకటించింది. రాజమౌళి – రామ్ చరణ్ – ఎన్టీఆర్ లాంటి క్రేజీ కాంబినేషన్ కావడంతో ఈ సినిమాపై భారీగా అంచనాలు ఏర్పడ్డాయి. కాగా, ఇప్పటి నుంచి సరిగ్గా ఆర్ఆర్ఆర్ మూవీ ప్రేక్షకుల ముందుకు వచ్చే సమయం 50 రోజులు. ఈ నేపథ్యంలో మేకర్స్ మళ్ళీ ప్రమోషన్స్ ప్లాన్ చేస్తున్నారు. ఇందులో భాగంగా రాజమౌళి బృందం ఈ సినిమాలో ప్రధాన పాత్రలు పోషిస్తున్న అల్లూరి సీతారామరాజు, కొమురమ్ భీమ్ పాత్రలతో కూడిన కొత్త పోస్టర్ను సోషల్ మీడియా ద్వారా వదిలారు.
RRR: ప్రస్తుతం ఈ తాజా పోస్టర్ సోషల్ మీడియాలో వైరల్ అవుతోంది.
ఈ పోస్టర్లో రామ్ చరణ్ గుర్రపు స్వారీ చేస్తూ, ఎన్టీఆర్ బుల్లెట్ బండిపై వస్తూ కనిపించారు. ప్రస్తుతం ఈ తాజా పోస్టర్ సోషల్ మీడియాలో వైరల్ అవుతోంది. అంతేకాదు మెగా, నందమూరి అభిమానులను అలాగే కామన్ ఆడియన్స్ను ఈ కొత్త పోస్టర్ విపరీతంగా ఆకట్టుకుంటోంది. ఇక ఈ సినిమాలో అలియా భట్, ఒలివియా మోరిస్..చరణ్ – తారక్ల సరసన హీరోయిన్స్గా నటించారు. అలాగే, శ్రియ శరణ్ – అజయ్ దేవగన్ – సముద్ర ఖని సహా పలువు సౌత్ అండ్ హాలీవుడ్ స్టార్స్ కీలక పాత్రల్లో నటిస్తున్నారు. ప్రముఖ సంగీత దర్శకుడు ఎంఎం కీరవాణి సంగీతం అందిస్తున్న ఈ మూవీ ఇండియాలోనే మొదటి బిగ్గెస్ట్ చిత్రంగా 14 భాషలలో భారీగా విడుదల చేయనున్నారు.