ద‌ర్శ‌క ధీరుడు ఎస్‌.ఎస్‌.రాజ‌మౌళి ద‌ర్శ‌క‌త్వంలో యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రాంచ‌ర‌ణ్ కాంబినేష‌న్‌లో రూపొందుతున్న భారీ మ‌ల్టీస్టార‌ర్ `RRR`. రీసెంట్‌గా రామోజీ ఫిలింసిటీలో చిత్రీక‌రించిన షెడ్యూల్స్‌తో ఇప్ప‌టికే రెండు షెడ్యూల్స్ చిత్రీక‌ర‌ణ పూర్త‌య్యింది. తదుప‌రి షెడ్యూల్‌ను రాజ‌మౌళి అండ్ టీం కోల్‌క‌త్తాలో ప్లాన్ చేశార‌ట. ఈ నెల నుండే ప్రారంభం కాబోయే ఈ షెడ్యూల్ 40 రోజుల పాటు నిర‌వ‌ధికంగా జ‌రుగుతుంద‌ట. ఈ సినిమా షూటింగ్‌ను ఈ ఏడాదికి పూర్తి చేసి గ్రాఫిక్స్ స‌హా మిగిలిన ప‌నులను పూర్తి చేసి సినిమాను వ‌చ్చే ఏడాదికి రిలీజ్ చేయాల‌నేదే రాజ‌మౌళి ఆలోచ‌నగా క‌న‌ప‌డుతుంది. 300 కోట్ల భారీ బ‌డ్జెట్‌తో డి.వి.వి.దాన‌య్య నిర్మిస్తున్న ఈ సినిమాపై భారీ అంచ‌నాలు నెల‌కొన్నాయి.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!