ఒకప్పుడు ఇండియన్ సినిమా అంటే బాలీవుడ్ సినిమాలనే ఆలోచన ఉండే విదేశీయులకు `బాహుబలి`తో తెలుగు సినిమా సత్తాను చూపెట్టాడు దర్శకుడు రాజమౌళి. `బాహుబలి`గా టైటిల్ పాత్రలో నటించిన ప్రభాస్కు ఈ సినిమాతో బాలీవుడ్తో పాటు అంతర్జాతీయ స్థాయిలో కూడా అభిమానులు ఏర్పడ్డారు. ప్రభాస్ సినిమాల కోసం అందరూ ఆసక్తిగా ఎదురుచూస్తున్నారు.
రీసెంట్గా `బాహుబలి` జపాన్లో విడుదలైంది. అక్కడి వారికి సినిమా విపరీతంగా నచ్చేసింది. ఇండియాతో పాటు జపాన్లో కూడా ప్రభాస్కు భారీ ఫ్యాన్ బేస్ను క్రియేట్ చేసింది `బాహుబలి`. దీంతో నిర్మాతలు `సాహో` సినిమాను కూడా జపాన్లో విడుదల చేస్తున్నారట. సినీ వర్గాల సమాచారం ప్రకారం ఇప్పటికే `సాహో` నిర్మాతలు జపాన్లోని ఓ ప్రముఖ డిస్ట్రిబ్యూషన్ సంస్థకు హక్కులను అమ్మేశారట. ఈ ఏడాది ఆగస్ట్ 15న తెలుగు, తమిళ, హిందీ భాషల్లో `సాహో` విడుదలైన కొన్ని వారాలకు జపాన్లో విడుదలవుతుందని సమాచారం.
previous post