Samantha: ఎప్పుడెప్పుడా అని అందరూ ఎదురు చూస్తున్న శాకుంతలం సినిమా నుంచి క్రేజీ అప్‌డేట్ ఇచ్చారు చిత్ర దర్శక నిర్మాతలు. గత ఏడాది ఎప్పుడో మొదలైన శాకుంతలం సినిమా ఈ పాటికే భారీ స్థాయిలో రిలీజ్ కావాల్సింది. కానీ, కరోనా మూలంగా అన్నీ సినిమాల షూటింగ్స్ మాదిరిగానే సమంత శాకుంతలం సినిమా షూటింగ్ కూడా ఆగిపోయింది. ఎట్టకేలకు చిత్రీకరణను పూర్తి చేసిన మేకర్స్ ఆ మధ్య ఒక వీడియోను వదిలి ప్రస్తుతం టీమ్ అంతా కలిసి వీఎఫెక్స్ మీద వర్క్ చేస్తున్నట్టు తెలిపారు.
సమంత కూడా ఇప్పటికే ఈ సినిమాకు సంబంధించిన డబ్బింగ్ కొంత పూర్తి కూడా చేశారు. అయితే ఈ మధ్య అన్నీ సినిమాల అప్‌డేట్స్ వచ్చాయి. రిలీజ్ డేట్ కూడా లాక్ చేసుకున్నారు. కానీ, సమంత శాకుంతలం సినిమా రిలీజ్ ఎప్పుడు అనేది మాత్రం మేకర్స్ నుంచి క్లారిటీ రాలేదు. దాంతో అసలు ఈ ఏడాది శాకుంతలం రిలీజ్ అవుతుందా అంటూ సోషల్ మీడియాలో వార్తలు మొదలయ్యాయి. దాంతో మేకర్స్ తాజాగా ఈ మూవీ నుంచి క్లారిటీ ఇచ్చారు. ఈ సినిమాలోని సమంత పోషిస్తున్న శాకుంతల ఫస్ట్ లుక్ పోస్టర్‌ను వదలబోతున్నారు. ఫిబ్రవరి 21న ఉదయం 9:30 గంటలకు ఈ ఫస్ట్ లుక్ పోస్టర్ రాబోతోంది.
Samantha: ఈ సినిమా విషయంలో చాలా ఎగ్జైటింగ్‌గా ఉన్నారు.
సమంత నుంచి సినిమా వచ్చి చాలా నెలలు అవుతుండటంతో శాకుంతలం సినిమా మీద అందరూ ఎంతో ఆసక్తిగా ఉన్నారు. ఇక ఆమె కెరీర్‌లో మొదటిసారి పౌరాణిక సినిమా చేస్తున్నందుకు సమంత కూడా ఈ సినిమా విషయంలో చాలా ఎగ్జైటింగ్‌గా ఉన్నారు. కాగా ఈ సినిమాకు దర్శకుడు గుణశేఖర్. దిల్ రాజు, నీలిమ గుణ భారీ బడ్జెట్‌తో నిర్మిస్తున్నారు. అన్నీ అనుకున్నట్టుగా గనక పూర్తైతే సమ్మర్ కానుకగా లేదా దసరా సందర్భంగా రిలీజ్ చేసే వీలుంది. ఇక సమంత నటిస్తున్న కొత్త చిత్రం యశోద శరవేగంగా షూటింగ్ జరుపుకుంటోంది.
