Samantha: సినిమా రంగంలో మొన్నటి వరకు వరుస అవకాశాలు అందుకున్న సమంత ఇప్పుడు హాస్పిటల్ కోల్పోవడం తెలిసిందే. మయోసిటీస్ అని అరుదైన వ్యాధితో బాధపడుతోంది. ఈ క్రమంలో ఆమె త్వరగా కోలుకోవాలని సెలబ్రిటీలతో పాటు అభిమానులు భగవంతునికి ప్రార్ధనలు చేస్తూ ఉన్నారు. అక్టోబర్ నెలలో తనకి ఈ వ్యాధి వచ్చినట్లు సమంత ఇన్స్టాగ్రామ్ లో పెట్టిన పోస్ట్ సంచలనం సృష్టించింది. దీంతో ఆమెకు చాలామంది ధైర్యం చెబుతూ కచ్చితంగా తిరిగి ఆరోగ్యంగా బయటకు వస్తావని…. ఆ వ్యాధిని జయిస్తావని అంటున్నారు.
ఇలాంటి తరుణంలో సమంత సోషల్ మీడియా వేదికగా మరోసారి సంచలన పోస్ట్ పెట్టడం జరిగింది. విషయంలోకి వెళ్తే తన ఫిట్నెస్ ట్రైనర్ జునైద్ షేక్ గురించి తెలియజేస్తూ.. తాను నిరాశగా బలహీనగా… ఉన్నప్పటికీ వదలకుండా జునైద్… తనతో వర్కౌట్ లు చేయించారని.. అతనికి థాంక్స్ చెప్పింది. ప్రాక్టీస్ మాత్రమే కాదు ఫిజియోథెరపీ కూడా చేయించడం జరిగిందని.. అతని వల్లే ఇలా మారాను అంటూ ఎమోషనల్ పోస్ట్ పెట్టింది. బలహీనమైన సమయంలో జునైద్ తనకి తోడుగా అండగా ఉన్నాడని చెప్పుకొచ్చింది. అంతేకాదు జునైద్ తనతో చేయిస్తున్న వర్కౌట్స్ ఫోటోలు పోస్ట్ చేసింది. ఈ ఫోటోలలో సమంత చేతికి సెలైన్ స్ట్రిప్ ఉంది.
సమంత కొత్త సినిమా “యశోద” చేస్తున్న టైంలో ఫిట్నెస్ ట్రైనర్ జునైద్.. యాక్షన్ సిన్నివేశాల సమయంలో ఎంతో సమంతా కి సహకారం అందించడం జరిగింది. నవంబర్ 11వ తారీకు శుక్రవారం ఈ సినిమా విడుదల అయి అద్భుతమైన పాజిటివ్ టాక్ సొంతం చేసుకుంది. టైటిల్ రోల్ లో సమంతా నటనకు అందరూ ఫిదా అవుతున్నారు. సినిమా అద్భుతంగా రాణించటంతో “యశోద” సినిమా యూనిట్ తో పాటు సమంత అభిమానులు ఫుల్ హ్యాపీగా ఉన్నారు. ఇదే సమయంలో త్వరగా తమ అభిమాన హీరోయిన్ కోలుకుని బయటకు రావాలని… మళ్లీ సినిమాలు చేయాలని ఫ్యాన్స్ భగవంతునికి ప్రార్ధనలు చేస్తున్నారు.
