RRR: టాలీవుడ్ ఇండస్ట్రీలో మెగా వర్సెస్ నందమూరి పోటీ ఎప్పటినుండో ఉన్న సంగతి తెలిసిందే. ఈ సంక్రాంతి కానుకగా ముందుగానే బాలకృష్ణ నటించిన “వీరసింహారెడ్డి” మరోపక్క మెగాస్టార్ నటించిన “వాల్తేరు వీరయ్య” ఒకరోజు వ్యవధిలో రెండు రిలీజ్ అయ్యాయి. రెండు చిత్రాలను మైత్రి మూవీ మేకర్స్ బ్యానర్ నిర్మించడం జరిగింది. రెండు కూడా పాజిటివ్ టాక్ సొంతం చేసుకుని ప్రేక్షకులను అల్లరిస్తూ ఉన్నాయి. పరిస్థితి ఇలా ఉంటే తాజాగా మెగా పవర్ స్టార్ రామ్ చరణ్ తేజ్ సీనియర్ ఎన్టీఆర్ పై మరియు తారక్ పై సంచలన వ్యాఖ్యలు చేశారు.
విషయంలోకి వెళ్తే “RRR” ఇటీవల గోల్డెన్ గ్లోబ్ అవార్డు సొంతం చేసుకోవడం జరిగింది. ఈ క్రమంలో రాజమౌళి, ఎన్టీఆర్, చరణ్ కుటుంబలు అమెరికాలో సందడి చేస్తున్నాయి. ఈ సందర్భంగా అమెరికాలో రామ్ చరణ్ మీడియాతో మాట్లాడుతూ.. నందమూరి కుటుంబంతో మెగా పోటీ గురించి ప్రస్తావించారు. తారక్ తాతగారు సీనియర్ ఎన్టీఆర్.. తన తండ్రి చిరంజీవికి మధ్య ఆరోగ్యకరమైన పోటీ ఉండేదని గుర్తు చేశారు. ఈ క్రమంలో 30 సంవత్సరాల నుండి తమ కుటుంబానికి ఎన్టీఆర్ ఫ్యామిలీకి మధ్య ఆరోగ్యకరమైన పోటీ ఉందని పేర్కొన్నారు.
మెగా ఫ్యామిలీలో కజిన్స్ ఉన్నారు.. వాళ్లతో కూడా పోటీ ఉంటుందని చరణ్ చెప్పకోచ్చారు. “RRR” కోసం రాజమౌళి తనని తారక్ నీ ఎంపిక చేశారు. మరోసారి తారక్ తో సినిమా చేయాలని అనుకుంటున్నాను అంటూ చరణ్ అమెరికా మీడియా సాక్షిగా మనసులో మాట బయటపెట్టారు. ఇప్పటికే న్యూయార్క్ ఫీలిం క్రిటిక్, గోల్డెన్ గ్లోబ్ అవార్డు సొంతం చేసుకోవడం జరిగింది. ఈ దిశగానే ఆస్కార్ అవార్డు కూడా “RRR” గెలవాలని భారతదేశ సినీ ప్రేమికులు మరియు ప్రముఖులు ఆశిస్తున్నారు.