Shahrukh Khan: సిద్ధార్ట్ ఆనంద్ దర్శకత్వంలో షారుక్ హీరోగా ‘పఠాన్’ సినిమా తెరకెక్కిన సంగతి తెలిసిందే. యాక్షన్ థ్రిల్లర్ నేపథ్యంలో వస్తున్న ఈ సినిమాలో దీపికా పదుకొనే హీరోయిన్. వచ్చే ఏడాది జనవరి 25వ తారీకు ఈ సినిమా విడుదల కానుంది. ఈ సినిమాకి సంబంధించి ప్రమోషన్ కార్యక్రమాలు ఇటీవల స్టార్ట్ అయ్యాయి. ఈ క్రమంలో దీపికా పదుకొనే బికినీతో ఉన్న ఫోటో మొదట రిలీజ్ చేయడం సంచలనం సృష్టించింది. ఆ తరువాత “బేషరమ్” సాంగ్ విడుదల చేశారు. ఈ సాంగ్ లో షారుక్ మరియు దీపికా ఇద్దరీ మధ్య భారీ ఎత్తున రొమాన్స్ ఉండటంతో ..పాట పెద్ద కాంట్రవర్సీ గా మారింది. దీపికా అందాలపై తీవ్ర స్థాయిలో విమర్శలు పెరిగిపోయాయి. బేషరమ్” సాంగ్ లో ఇద్దరి మధ్య రోమాన్స్ ఎక్కువ అయిపోయిందనీ చాల మంది నెగిటివ్ కామెంట్స్ చేశారు.
దీంతో ‘పఠాన్’ సినిమా బ్యాన్ చేయాలంటూ.. సోషల్ మీడియాలో… బైకాట్ ‘పఠాన్’ అని ఆందోళనలు చేస్తూ ఉన్నారు. అంతేకాదు దేశంలో పలు నగరాల్లో సైతం ఆందోళనలు నిర్వహించడం జరిగింది. ‘పఠాన్’ సినిమా రిలీజ్ చేయకూడదని మధ్యప్రదేశ్ లో ఇండోర్ లో కొంతమంది ఆందోళనకారులు షారుక్ దిష్టిబొమ్మను సైతం దగ్ధం చేశారు. ఇలాంటి తరుణంలో తాజాగా కోల్ కతా వేదికగా జరుగుతున్న ఫిలిం ఫెస్టివల్ లో పాల్గొన్న షారుక్ తాజా విమర్శలపై తనదైన శైలిలో స్పందించారు. ‘పఠాన్’ సినిమా మానవాళి జీవితంలో ప్రేమ, ఐక్యత, సోదర భావానికి ఉన్న గొప్ప బంధాన్ని.. తెరపై చూపించే ప్రయత్నం అని స్పష్టం చేశారు.
ఇక ఇదే సమయంలో సోషల్ మీడియాలో ఈ సినిమాకి వ్యతిరేకంగా జరుగుతున్న ప్రచారంపై కూడా కౌంటర్ ఇచ్చారు. సోషల్ మీడియా ద్వారా కొంతమంది సంకుచిత దృష్టి కోణంతో చూస్తూ ఉంటారు. అటువంటి వారి ప్రవర్తనాల వల్ల నెగెటివిటీ పెరుగుతుందని… నేను ఎక్కడో చదివాను. అంతేకాదు అలాంటి వ్యక్తుల వల్ల మనుషుల మధ్య విభేదాలు తారాస్థాయికి చేరుకొని.. తర్వాత పలు తీవ్ర ఇబ్బందులు.. కలిగిస్తాయి. మానవాళిని నాశనం చేయాలని ఎదురుచూసే వ్యక్తులను తిప్పి పట్టాలంటే సినిమానే తగిన చోటు అని షారుక్ స్పష్టం చేశారు. భిన్నమైన వర్ణాలు రకరకాల కులాలు ఇంకా ఎత్తార వేరువేరు మతాలకు చెందిన వ్యక్తులు ఒకరినొకరు బాగా అర్థం చేసుకోవడానికి సినిమా ఒక మార్గమని షారుక్ తనదైన శైలిలో.. కోల్ కతా ఫిలిం ఫెస్టివల్ లో ‘పఠాన్’ కి వ్యతిరేకంగా జరుగుతున్న ప్రచారానికి స్ట్రాంగ్ కౌంటర్ ఇచ్చారు.
