దక్షిణాది సినిమా రంగంలో టాప్ మోస్ట్ డైరెక్టర్లలో ఒకరు శంకర్. ప్రస్తుతం దేశవ్యాప్తంగా పాన్ ఇండియా హవా నడుస్తోంది. కొద్దిగా క్రేజ్ కలిగిన హీరో లేదా డైరెక్టర్ పాన్ ఇండియా సబ్జెక్టులే డీల్ చేస్తున్నారు. అయితే వీళ్ళందరి కంటే ముందుగానే సౌత్ ఇండియాలో పాన్ ఇండియా నేపథ్యంలో సినిమాలు తెరకెక్కించింది డైరెక్టర్ శంకర్ అని చెప్పడంలో ఎటువంటి సందేహం లేదు. ఇదే సమయంలో విజువల్ ఎఫెక్ట్స్ వాడుకోవడంలో కూడా డైరెక్టర్ శంకర్ అందరికంటే ముందు వరుసలో ఉంటారు. కానీ గత కొన్ని సంవత్సరాల నుండి శంకర్ కి సరైన హిట్ పడలేదు. “రోబో” మినహా అంతకు ముందు శంకర్ చేసిన చాలా సినిమాలు ఆశించిన స్థాయిలో ప్రేక్షక ఆదరణ దక్కించుకోలేకపోయాయి.
హరి శంకర్ దర్శకత్వంలో ఐకాన్ స్టార్ అల్లు అర్జున్..??
ఇదిలా ఉంటే ప్రస్తుతం మెగా పవర్ స్టార్ రామ్ చరణ్ తేజ్…తో శంకర్ సినిమా చేస్తున్న సంగతి తెలిసిందే. “RC 1″5 వర్కింగ్ టైటిల్ తో తెరకెక్కుతున్న ఈ సినిమా షూటింగ్ శరవేగంగా సాగుతోంది. పాన్ ఇండియా నేపథ్యంలో తెరకెక్కిస్తున్నారు. చరణ్ ఈ సినిమాలో మూడు విభిన్నమైన పాత్రలో కనిపిస్తున్నట్లు టాక్. ఈ సినిమా షూటింగ్ శరవేగంగా జరుగుతున్న సమయంలో.. చరణ్ సినిమాని పక్కన పెట్టేసి “ఇండియన్ 2”.. కంప్లీట్ చేయడానికి శంకర్ రెడీ అయినట్లు కోలీవుడ్ ఇండస్ట్రీలో లేటెస్ట్ టాక్. కమల్ హాసన్ హీరోగా “భారతీయుడు: సినిమాకి సీక్వేల్ గా వస్తున్న “ఇండియన్ 2” షూటింగ్ దాదాపు 80 శాతానికి పైగా కంప్లీట్ అయింది. అయితే ఈ సినిమా నిర్మా భాగస్వామ్యం లైక్ ప్రొడక్షన్స్ నిర్మాతలతో శంకర్ కి గొడవ ఏర్పడటంతో సినిమా అర్ధాంతరంగా ఆగిపోయింది.
అనుకున్న బడ్జెట్ కంటే ఎక్కువ ఖర్చు పెట్టించినట్లు శంకర్ విషయంలో నిర్మాతలు కోర్టుకు కూడా వెళ్లారు. దీంతో ఈ సినిమా షూటింగ్ దాదాపు సంవత్సరం పైగానే ఆగిపోయింది. అయితే తాజాగా శంకర్ తో లైకా ప్రొడక్షన్ నిర్మాతలు రాజీకి వచ్చినట్లు.. సినిమా కంప్లీట్ చేయడానికి అన్ని ఏర్పాట్లు చేసుకున్నట్లు సమాచారం. ముఖ్యంగా కమల్ హాసన్ కి “విక్రం” తో…భారీ హిట్ ఇటీవల పడటంతో ఈ సమయంలోనే “ఇండియన్ 2” కంప్లీట్ చేసి విడుదల చేస్తే మంచి ఆదరణ లభిస్తుందని.. లైకా ప్రొడక్షన్స్ అధినేతలు.. సినిమా కంప్లీట్ చేసే దిశగా శంకర్ తో మంతనాలు జరిపినట్లు సమాచారం. దింతో చరణ్ సినిమా కొద్ది రోజులు ఆపాలని శంకర్ ఆలోచన చేసినట్లు వార్తలు వస్తున్నాయి.