బాలీవుడ్‌ అగ్ర కథానాయకుడైన షారూక్‌ఖాన్‌ తమిళ దర్శకుడు అట్లీతో కలిసి పనిచేయబోతున్నారని కోలీవుడ్‌ మీడియా వర్గాల సమాచారం. మంగళవారం జరిగిన చెన్నై కోల్‌కతా ఐపీఎల్‌ మ్యాచ్‌ తర్వాత షారూక్‌ అట్లీ ఆఫీస్‌కు వెళ్లారు. ఆ సందర్భంలో తీసిన ఫోటోలు సోషల్‌ మీడియాలో హల్‌చల్‌ చేస్తున్నాయి. కాగా.. అట్లీతో షారూక్‌ ఓ సినిమా చేయాలనుకుంటున్నారని, అట్లీ తెరకెక్కించిన ‘మెర్సల్‌’ బాలీవుడ్‌ రీమేక్‌లో షారూక్‌ నటించనున్నారని.., ప్రస్తుతం అట్లీ విజయ్‌ ప్రాజెక్ట్‌లో షారూక్‌ అతిథి పాత్రలో నటించబోతున్నారని వార్తలు వినపడుతున్నాయి. ఇలాంటి నేపథ్యంలో వీరిద్దరి కలయిక ఈ వార్తలకు మరింత బలాన్ని చేకూర్చాయి. అయితే ఇందులో నిజా నిజాలు తెలియాలంటే కొన్ని రోజులు ఆగాల్సిందే.
