Sreeleela: త‌గ్గేదే లే అంటున్న శ్రీ‌లీల‌.. అక్కినేని హీరోతో జ‌త‌క‌డుతుందా?

Sreeleela: యంగ్ బ్యూటీ శ్రీ‌లీల గురించి ప్ర‌త్యేకంగా ప‌రిచ‌యాలు అవ‌స‌రం లేదు. కె.రాఘవేంద్రరావు దర్శకత్వ పర్యవేక్షణలో వచ్చిన `పెళ్లి సందD` మూవీతో టాలీవుడ్‌లోకి అడుగు పెట్టిన ఈ బ్యూటీ.. తొలి సినిమాతోనే యూత్‌లో సూప‌ర్ ఫాలోయింగ్‌ను సంపాదించుకుంది. ఈ సినిమా అనంత‌రం వ‌రుస ఆఫ‌ర్లు వెల్లువెత్తుతుండ‌టంతో.. శ్రీ‌లీల త‌గ్గేదే లే అంటూ దూసుకుపోతోంది.

ప్రస్తుతం ఈ బ్యూటీ రవితేజ సరసన `ధమాకా` అనే సినిమా చేస్తోంది. ఔట్ అండ్ ఔట్ కమర్షియల్ ఎంటర్‌టైనర్‌గా రాబోతున్న ఈ సినిమాకు త్రినాథరావు నక్కిన దర్శకత్వం వ‌హిస్తున్నారు. అలాగే అనిల్ రావిపూడి త్వ‌ర‌లోనే తెర‌కెక్కించ‌బోయే `ఎన్‌బీకే 108`లో బాల‌య్య కూతురిగా శ్రీ‌లీల అల‌రించ‌బోతోంది.

• Read the latest news from NEWSORBIT
• Follow us on facebook , Twitter , instagram and Googlenews

వీటితో పాటు మ‌రో రెండు, మూడు ప్రాజెక్ట్స్‌కు కూడా శ్రీ‌లీల చేతిలో ఉండ‌గా.. ఇప్పుడు మ‌రో ఆఫ‌ర్ ఆమె త‌లుపు త‌ట్టేలా క‌నిపిస్తోంది. వ‌రుస విజ‌యాల‌తో దూసుకుపోతున్న నాగ‌చైత‌న్య `మానాడు` ఫేమ్ వెంకట్ ప్రభు ద‌ర్శ‌క‌త్వంలో ఓ సినిమా చేయ‌నున్న సంగ‌తి తెలిసిందే.తెలుగు, త‌మిళ భాషల్లో ఏకాకాలంలో రూపొంద‌బోయే ఈ చిత్రాన్ని శ్రీ‌నివాస సిల్వ‌ర్ స్క్రీన్ బ్యాన‌ర్‌పై శ్రీనివాస చిట్టూరి నిర్మించ‌నున్నారు.

జూలై లేదా ఆగస్టు నెలలో ఈ మూవీ రెగ్యుల‌ర్ షూటింగ్ స్టార్ట్ కానుంది. అయితే ఈ మూవీలో నాగ‌చైతన్య‌కు జోడీగా శ్రీలీల లేదా సాక్షి వైద్యల‌లో ఎవ‌రో ఒక‌రిని ఎంపిక చేయాల‌ని మేక‌ర్స్ భావిస్తున్నార‌ట‌. శ్రీ‌లీల `పెళ్లి సందD` తో గుర్తింపు తెచ్చుకోగా.. సాక్షి త్వ‌ర‌లోనే `ఏజెంట్‌`తో టాలీవుడ్‌లోకి ఎంట్రీ ఇవ్వ‌బోతోంది. అయితే వీరిద్ద‌రూ చైతు స‌ర‌స‌న బాగా సెట్ అవుతార‌ట‌. అందుకే వీరిలో ఒక‌రిని ఫైనెల్ చేయాల‌ని చూస్తున్న‌ట్లు టాక్ న‌డుస్తోంది. అయితే అక్కినేని హీరోతో జ‌త‌క‌ట్టే ఛాన్స్‌ శ్రీ‌లీల‌కు ద‌క్కే అవ‌కాశాలే ఎక్కువ‌గా ఉన్నాయ‌ని అంటున్నారు.