సినిమా హీరో, హీరోయిన్లు కొన్నాళ్లు కెరీర్లో రాణించాక జీవితంలో సెటిల్ అవుతారు. ఇందుకు ఎక్కువ సమయమే పడుతుంది. మనసుకు నచ్చినవారిని పెళ్లి చేసుకుంటారు. అయితే.. కొందరు ఈ విషయంలో సక్సెస్ అవుతూంటారు.. మరికొందరు ఫెయిల్ అవుతూంటారు. ఇందుకు సినీ పరిశ్రమలో అనేక మంది ఉదాహరణగా నిలుస్తూ ఉంటారు. ఈ రెండో క్యాటగిరీ లో ఇప్పుడు మరో హీరో చేరాడని సమాచారం. తమిళ సినిమాల్లో టాప్ హీరోల్లో ఒకరిగా రాణిస్తున్న తెలుగు మూలాలున్న వ్యక్తి పెళ్లి క్యాన్సిల్ అయిందనే వార్త ఇప్పుడు కోలీవుడ్ వర్గాల్లో వినిపిస్తోంది. గత ఏడాది నిశ్చితార్ధం కూడా జరిగినా.. పెళ్లి వరకూ వెళ్లలేదని అంటున్నారు.
స్టార్ హీరోకు తమిళ చిత్రసీమకు చెందిన అగ్ర నటుడి కుమార్తె.. నటి కూడా అయిన ఒకామెతో హీరోకు సాన్నిహిత్యం ఉన్నట్టు అప్పట్లో వార్తలు వచ్చాయి. వారిద్దరూ ప్రేమలో ఉన్నారని.. పెళ్లి చేసుకుంటారని కూడా కోలీవుడ్ మీడియా కోడై కూసింది. అయితే.. నటి తండ్రితో పరిశ్రమకు చెందిన విషయాల్లో విభేదాలు రావడందో వారి ప్రేమ, పెళ్లికి బ్రేక్ పడింది. ఈ విషయం కూడా అప్పట్లో హైలైట్ అయంది. దీంతో తామిద్దరం స్నేహితులమే అని చెప్పుకున్నరు ఇద్దరూ. తర్వాత కొన్నాళ్లకు హీరోకు పలు సినిమాల్లో నటించిన హైదరాబాద్ కు చెందిన నటితో ఎంగేజ్ మెంట్ అయింది. ఈ ఫొటోలు ప్రముఖంగా వైరల్ అయ్యాయి కూడా. అన్ని విషయాలు మాట్లాడుకుని మనసులు ఒక్కటవడంతో పెళ్లి చేసుకుంటున్నామని కూడా ప్రకటించారు.
అయితే.. ఇప్పుడు ఈ పెళ్లి కూడా క్యాన్సిల్ అయినట్టు తెలుస్తోంది. ఈ వార్తలపై హీరో కుటుంబం ఖండించినా రూమర్లు ఆగలేదు. వీరిద్దరి ఎంగేజ్ మెంట్ ఫొటోలు ఆ నటి ఇన్ స్టా అకౌంట్ నుంచి డిలీట్ అవడంతో ఇప్పుడీ వార్తలకు బలం చేకూరినట్టైంది. ఆమెకు మరో వ్యక్తితో పెళ్లి కూడా జరుగుతున్నట్టు తెలుస్తోంది. నిశ్చితార్ధం అయిన కొన్నాళ్లకు వీరిద్దరి మధ్య మనస్పర్ధలు వచ్చాయని అంటున్నారు. అయితే.. ప్రస్తుతం ఈ వార్తలు బాగా వైరల్ అయ్యాయి. వీటిపై మాత్రం ఇరు కుటుంబాలు, హీరో కూడా స్పందించ లేదు. మరి ఈ వార్తల్లో నిజమెంతో తెలియాల్సి ఉంది.
